दिलासादायक ! रायगड जिल्ह्यात कोरोनातून बरे होणाऱ्या रुग्णांच्या संख्येत वाढ

अलिबाग : रायगड जिल्ह्यामध्ये कोरोनावर नियंत्रण ठेवण्यासाठी वेगवेगळ्या उपाययोजना प्रशासनामार्फत करण्यात आल्या आहेत. आतापर्यन्त 840 कोरोनाबाधित रुग्णांपैकी 482 रुग्ण बरे झाले आहेत. इतर जिल्ह्याच्या तुलनेने रायगड जिल्ह्यातील कोरोनाबधित रुग्ण बरे होण्याच्या संख्येत वाढ झाली असूनही टक्केवारी सुमारे 58 टक्के इतकी असल्याची माहिती रायगड जिल्हाधिकारी निधी चौधरी यांनी दिली.

हे ही वाचा : विमानसेवा सुरु झाली अन् अनेकांनी मुंबई सोडण्याचा निर्णय घेतला...

अलिबागमधील जिल्हाधिकारी कार्यालयाच्या राजस्व सभागृहात कोरोनाच्या पार्श्वभूमीवर बुधवारी पत्रकार परिषद घेण्यात आली.कोरोनाला रोखण्यासाठी जिल्हयात लॉकडाऊनच्या कालावधीत  अत्यावश्यक सेवा वगळता अन्य सेवा बंद करण्यात आल्या होत्या. प्रशासनाच्या आदेशानुसार हळूहळू जिल्हयात जनजीवन सुरळीत सुरु करण्याचा प्रयत्न अटीशर्तीनुसार करण्यात आला. परप्रांतियांना त्याच्या गावी जाण्यासाठी एसटी व रेल्वेची सोय केली होती. उत्तरप्रदेश, मध्यप्रदेश, बिहार, ओरीसा राज्यातील सुमारे 50 हजारहून अधिक परप्रांतिय कामगारांना त्यांच्या घरी पाठविण्यात आले आहे. जम्मू - काश्मीर येथील नागरिकांना नागपूरपर्यंत बसने पाठविण्यात आले. तेथून त्यांना काश्मीरला रवाना करण्यात आले.

मोठी बातमी : शाळा सुरु झाल्यानंतर काय? मुख्यमंत्र्यांनी दिल्यात 'या' महत्त्वाच्या सुचना...

मुंबई, सुरत, ठाणे, पुणे येथून सुमारे 95 हजारहून अधिक चाकरमानी आले. त्यातील काही जण चालत आले. तर काही जण खासगी व
अन्य बसद्वारे आले. त्यापैकी काहींना होम क्वारंटाईन तर काहींना इंस्टीट्यूड क्वारंटाईन करण्यात आले आहे.जिल्हयात 840 बाधीत झाले होते. त्यापैकी 482 जण बरे झाले असून 321 जणांवर उपचार सुरु आहेत. तसेच 37 जणांचा मृत्यू झाल्याचे जिल्हाधिकाऱ्यांनी सांगितले.

Increase in the number of corona-free patients in raigad Information of Collector Nidhi Chaudhary