उल्हासनगर : ऑक्टोबर महिन्यामध्ये महानगरपालिकेच्या निवडणुका होण्याची शक्यता असल्याने या निवडणुकीच्या रणनीतीसाठी उल्हासनगरातील पप्पू कलानी,ओमी कलानी समर्थक माजी नगरसेवक एकवटले आहेत..ओमी कलानी यांची टीओके ही संघटना असून त्यांची पत्नी पंचम कलानी ह्या राष्ट्रवादी शरदचंद्र पवार पक्षाच्या जिल्हाध्यक्षा आहेत.ओमी कलानी यांनी शरद पवार यांच्या राष्ट्रवादी पक्षाकडून विधानसभा निवडणूक लढवली होती.त्यात त्यांचा पराभव झाला होता.माजी आमदार पप्पू कलानी यांनी वयाची सत्तरी ओलांडली असल्याने कोरोनाच्या काळात त्यांना जन्मठेपेच्या शिक्षेतून मुभा देण्यात आली आहे.त्यामुळे पप्पू कलानी हे जेलच्या बाहेर असून ते अनेक हितचिंतकांनी आयोजित केलेल्या कार्यक्रमात हजेरी लावत आहेत..उल्हासनगर महानगरपालिकेची स्थापना ही 1996 साली झाली.तेंव्हापासून एकदाही भारतीय जनता पक्षाचा महापौर झाला नव्हता.मात्र 2017 च्या निवडणुकीत ओमी कलानी यांच्या टीओकेला चिन्ह मिळाले नसल्याने त्यांना भाजपच्या चिन्हावर निवडणूक लढवावी लागली होती.त्यात अनेक टीओके समर्थक नगरसेवक भाजपाकडून निवडून आल्याने प्रथमच भाजपचा महापौर विराजमान झाला होता..त्याअनुषंगाने यावेळेस होणाऱ्या महानगरपालिकेच्या निवडणुकीची रणनीती आखण्यासाठी कलानी महल मध्ये माजी नगरसेवकांना बोलावण्यात आले होते.त्यात नरेंद्रकुमारी ठाकूर,मनोज लासी,कमलेश निकम,संजय सिंह(चाचा),राजेश टेकचंदानी,रवींद्र बागुल,सुजित चक्रवर्ती,सुरेश गायकवाड,शिवाजी रगडे,बाबू गुप्ता,नाना बिऱ्हाडे,गजानन शेळके,हरेश जग्याशी आदींचा समावेश होता..यात सर्वांना त्यांच्या शंका कुशंकावर बोलण्याची संधी देण्यात आली.निवडणुकीत कुणाशी हातमिळवणी करावी,कोणती भूमिका घ्यावी यावर पप्पू कलानी,ओमी कलानी यांच्या उपस्थितीत चर्चा करण्यात आली आहे.तसेच व्यापारी संघटना यांच्या सोबतही बैठक घेण्यात येणार असून त्यात त्यांची मते देखील जाणून घेतली जाणार असल्याची माहिती मनोज लासी यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
