कल्याण : कल्याण-डोंबिवली महानगरपालिका हद्दीत कोरोना बाधित रुग्णांचा आकडा दिवसेंदिवस वाढत आहे. या पार्श्वभूमीवर केडीएमसी प्रशासन समाजमाध्यमांतुन नागरिकांशी संवाद साधत आहे. रविवारी केडीएमसीचे आयुक्त डॉ. विजय सूर्यवंशी यांनी शहरातील कोरोनाचे हॉटस्पॉट म्हणून जवळपास 10 परिसरांची नावे घोषित केली.
डोंबिवली पूर्वेतील म्हात्रेनगर, आयरेगाव, तुकाराम नगर, छेडा रोड, डोंबिवली पश्चिमेतील टेलकोसवाडी, रेतीबंदर रोड, कल्याण पूर्वेतील भगवान नगर, चिंचपाडा, कल्याण पश्चिमेतील वायलेनगर, खडकपाडा या परिसरात मोठ्या संख्येने कोरोना बाधित आढळले असून हे परिसर हॉटस्पॉट म्हणून घोषित करण्यात आले आहेत.
महत्वाची बातमी : डॉक्टररूपी "देव" बाटला! मृत्यूच्या दाखल्यासाठी केली पैशांची मागणी
शहरातील एकूण रुग्णसंख्या 73 झाली असून त्यातील 49 रुग्ण हे डोंबिवलीतील आहे. तर 26 रुग्ण हे उपचाराअंती बरे झाले असल्याचेही सूर्यवंशी यांनी सांगितले. तर गेल्या दोन दिवसात सापडलेले 12 रुग्ण हे कोरोना बाधित रुग्णांच्या संपर्कात आले असून पालिका प्रशासनाने केलेल्या सर्वेक्षणात संशयित म्हणून त्यांची तपासणी केली होती. या तपासणीतूनच हे रुग्ण सापडल्याचे नमूद करत संपर्क हा किती धोकादायक असू शकतो याबाबतचे गांभीर्यही त्यांनी अधोरेखित केले.
या परिसरात आढळले रुग्ण
आतापर्यंत आढळलेले 73 रुग्ण हे गांधारी, टिटवाळा गणेश मंदिर, शहाड, फ्लॉवर व्हॅली, चिकणघर गावठाण, गरिबाचा वाडा, गावदेवी मंदिर नवागाव, ठाकूरवाडी, कोपर गाव, म्हात्रे नगर, सारस्वत कॉलनी, अंबिका नगर, तुकाराम नगर, नेहरू नगर, जाई बाई विद्यामंदिर, विजय नगर, तिसगाव गावठाण, सागाव, सोनारपाडा या परिसरातील आहे.
Kalyan-Dombivlikar worries, Corona's 10 hotspots
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.