डोंबिवली - कल्याण पूर्वेतील अल्पवयीन मुलगी अत्याचार आणि हत्या प्रकरणातील आरोपी विशाल गवळीच्या तीन भावा विरोधात तडीपारीची कारवाई करण्यात आली आहे. विशाल याच्या प्रमाणेच त्याचे भाऊ देखील रेकॉर्ड वरील गुन्हेगार आहेत..आकाश अभिमान गवळी (वय-33), शाम अभिमान गवळी (वय-34) आणि नवनाथ अभिमान गवळी (वय-28) अशी त्यांची नावे असून दोन वर्षासाठी त्यांना ठाणे, मुंबई आणि रायगड जिल्ह्यातून तडीपार करण्यात आले असल्याची माहिती पोलीस उपायुक्त अतुल झेंडे यांनी दिली आहे.कल्याण पूर्वेत एका अल्पवयीन मुलीवर लैंगिक अत्याचार करत तिची निर्घृण हत्या करण्यात आली होती. याप्रकरणी आरोपी विशाल गवळी व त्याची पत्नी साक्षी गवळी हे न्यायालयीन कोठडीत आहेत. विशाल हा रेकॉर्ड वरील गुन्हेगार असून त्याचे तीन भाऊ देखील रेकॉर्ड वरील गुन्हेगार आहेत..आकाश अभिमान गवळी, शाम अभिमान गवळी, नवनाथ अभिमान गवळी हे तिन्ही भाऊ कल्याण पूर्व भागातील नंदादीप सोसायटी, नंदादीप नगर, चक्कीनाका भागात राहतात. त्यांच्यावर जीवे ठार मारण्याचा प्रयत्न करणे, गंभीर दुखापती करणे, बेकायदा शस्त्र जवळ बाळगणे, मालमत्तेचे, गंभीर दुखापती करणे असे गुन्हे दाखल आहेत. त्यांच्यावर कोळसेवाडी पोलीस ठाण्यात गुन्हे दाखल आहेत.त्यांनी कल्याण पूर्व चक्कीनाका भागात दहशत निर्माण केली होती. लोक या तिघांना प्रचंड घाबरत होते. स्थानिक नागरिक, व्यावसायिक, विक्रेते या गुंडांच्या त्रासाने त्रस्त होते. याविषयीच्या वाढत्या तक्रारी कोळसेवाडी पोलीस ठाण्यात येत होत्या. पोलीस उपायुक्त झेंडे यांना हे प्रकार समजल्यावर त्यांनी या तिन्ही इसमांची गु्न्हे विश्वातील माहिती संकलित करण्याचे आदेश कोळसेवाडी पोलिसांना दिले..वरिष्ठ पोलीस निरीक्षक अशोक कदम यांनी या तिन्ही भावांना महाराष्ट्र पोलीस कायदा 1951 च्या कलम 55 प्रमाणे तडीपार करण्यासाठीचा प्रस्ताव उपायुक्त अतुल झेंडे यांच्यासमोर ठेवला होता. उपायुक्तांनी तातडीने हा प्रस्ताव मंजूर केला.या तिन्ही भावांना पोलिसांनी तडीपाराच्या नोटिसा बजावल्या. त्यांना ताब्यात घेऊन सातारा जिल्हा हद्दीत तडीपारीची कारवाई म्हणून सोडण्यात आले. या कारवाईने कल्याण पूर्वेतील चक्कीनाका, तिसगाव परिसरातील रहिवासी, व्यापारी, विक्रेते, व्यावसायिक यांनी समाधान व्यक्त केले आहे..कल्याण पूर्वेत गुंडगिरी करणाऱ्या सक्रिय गुन्हेगारांची यादी कोळसेवाडी पोलिसांनी तयार केली आहे. लवकरच पोलिसांच्या अभिलेखावरील अशा सराईत गुन्हेगारांवर संघटित गुन्हेगारी, तडीपारीच्या कारवाया केल्या जाणार आहेत.- अतुल झेंडे, पोलीस उपायुक्त.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
