मुंबई - मुख्यमंत्री उद्धव ठाकरे यांनी आज राज्यातील जनतेशी संवाद साधला. कोरोनावर लस आली असली तरी नागरिकांनी मास्क वापरणं बंधनकारक असल्याचे मुख्यमंत्री उद्धव ठाकरे यांनी म्हटले आहे. कोरोनापासून सुरक्षेसाठी नियम आपल्याला पाळावेच लागतील. असं मुख्यमंत्र्यांनी म्हटलं आहे. केवळ एका लाईनसाठी आरे मध्ये कारशेड का? कांजुरची 40 हेक्टर जागा आहे, प्रश्न प्रतिष्ठेचा केला तर आपल्याला खुर्चीवर बसण्याचा अधिकार नाही. असे म्हणत त्यांनी कांजूरमार्ग येथील कारशेडच्या जागेच्या मुद्याचा उल्लेखही भाषणात केला.
आपल्या भाषणात मुख्यमंत्री ठाकरे यांनी कोणते मुद्दे मांडले.
कांजूरमार्ग कारशेडचा सुरू असलेला वाद जनतेच्या हिताचा नाही. प्रकल्प प्रतिष्ठेचा विषय करू नये. हवं तर श्रेय तुम्हाला देतो. तुमची जागा आणि माझा जाग म्हणून प्रकल्पाची खेचाखेची करू नका, माझं विरोधी पक्षाला आवाहन आहे की, बसून चर्चा करू. आणि प्रश्न सोडवू. कांजूरमार्गवर मेट्रो कारशेड होणं योग्य आहे. पाच वर्षानंतर जेव्हा जनता आपल्याला विचारेल तेव्हा काय सांगाल. असे मुख्यमंत्री म्हणाले,
कांजूरमार्गच्या मुद्द्यावरून मला अहंकारी म्हटलं जाते. होय मी अहंकारी आहे माझ्या मुंबई साठी माझ्या महाराष्ट्रासाठी आरेत मेट्रो तीनसाठी कारशेड करणार होतो. त्यासाठी 30 हेक्टर जागा घेतली जाणार होती. त्यातील पाच हेक्टर जागेवर झाडे असल्याने या जागेवरील झाडे कापणार नाही आणि ती वापरात घेणार नाही, असं आपण लिहून दिलं होतं. म्हणजे एकूण 25 हेक्टरवर कारशेड होणार होती. 2023मध्ये हे काम पूर्ण होणार होतं. त्यानंतर भविष्यात पुन्हा जागा कमी पडली असती तर झाडे कापणार होतो. झाडे कापून ती पाच हेक्टर जागा घेणार होतो. 2031 पर्यंत आणखी जागा कमी पडली असती तर आणखी घेणार होतो. एका लाईनसाठी जंगल मारत मारत जाणार होतो. त्यात एक मार्ग स्टब्लिंगसाठी करायचा होता. म्हणजे गाड्या पार्क करण्यासाठी जागा ठेवायची होती. पण या प्रस्तावात त्याचा उल्लेखच नव्हता. त्यामुळे आमच्या सरकारने आरेच्या टोकावर जिथं कास्टिंग यार्ड आहे, तिथे स्टेब्लिंग लाईन करण्याचा निर्णय घेण्यात आला आहे, असं सांगतानाच आपण आरेचं पर्यावरण वाचवलं असून संजय गांधी राष्ट्रीय उद्यानाची व्याप्ती वाढवून 800 एकर केली आहे. जगातलं हे शहरात असलेलं सर्वात मोठं जंगल आहे, असेही मुख्यमंत्र्यांनी यावेळी सांगितले
The Kanjurmarg car shed project should not be a matter of prestigesaid Chief Ministers udhav thackray
---------------------------------------------------------------
( संपादन - तुषार सोनवणे )
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.