मुंबईत आता बालनाट्याचीही 'सवाई'

मुंबई : वेगवेगळ्या स्पर्धेत क्रमांक पटावणाऱ्या एकांकिकांची 'सवाई' स्पर्धा 'चतुरंग'च्या वतीने घेण्यात येते. अशीच बालनाट्य स्पर्धा मुंबईतील 'अष्टगंध' संस्स्थेने बालकलावंतांसाठी आयोजित केली आहे. मराठीतल्या समृद्ध नाट्यकलेची जाणीव नव्या पिढीला व्हावी या हेतूने अष्टगंध कला संस्थेने नाट्यकस्तुरी नावाची एक अभिनव बालएकांकिका स्पर्धा गुरुवार दि. २ जानेवारी, २०२० रोजी सकाळी १० ते सायंकाळी ६ या वेळेत बोरिवली येथील प्रबोधनकार ठाकरे मुख्य नाट्यगृहात आयोजित केली आहे.

ही बातमी वाचा! बाहुबलीमुळे महिला 'या' दागिन्यांच्या प्रेमात

या स्पर्धेत मुंबई, ठाणे, कल्याण, डोंबिवली या विभागातल्या २०१९ या वर्षातल्या विविध स्पर्धेत प्रथम व द्वितीय आलेल्या एकूण ६ बालएकांकिका सादर होणार आहेत. सेक्रेड हार्ट, कल्याण यांची बदला, पार्ले टिळक शाळेची जोकर, डी. एस. हायस्कुल सायन यांची गेमओव्हर, उत्कर्ष मंदिर मालाड यांची वारी, शिवसूर्यज्वाला प्रतिष्ठान, ताडदेव यांची कस्तुरी आणि संदेश विद्यालय विक्रोळी यांची बीईंग ग्रीन या एकांकिका सादर होणार आहेत. 

ही बातमी वाचली का?- नेरुळमध्ये चक्क रिक्षातच वृक्षलागवड! काही दिवसात लागली फळे...

स्पर्धेतील सर्वोत्कृष्ट प्रथम एकांकिकेस ७,७७७, द्वितीय एकांकिकेस ५,५५५ तर तृतीय एकांकिकेस ३,३३३ व सन्मानचिन्ह अशी बक्षीसे आहेत. याशिवाय लेखन, दिग्दर्शन, नेपथ्य, संगीत, प्रकाशयोजना, वेशभूषा, अभिनय या प्रत्येक विभागात प्रथम, द्वितीय व तृतीय अशी बक्षीसे असणार आहेत. 

ही बातमी वाचली का?- कल्याण ते डोंबिवली प्रवास करताय थांबा! कारण...

नव्या पिढीतील अनेक मुलांना नाट्यचळवळीशी जोडण्यासाठी बोरिवली व परिसरातील अनेक शाळांनी विद्यार्थ्यांना या एकांकिका पाहण्याची संधी द्यावी तसेच पालकांनीही या एकांकिका पाहण्याची संधी आपल्या मुलांना द्यावी असे आवाहन अष्टगंध कला संस्थेने केले आहे. स्पर्धेतील एकांकिका पाहण्यासाठी सर्वांना विनामूल्य प्रवेश आहे.