डोंबिवली - राज्य घटनेचे शिल्पकार डॉ. बाबासाहेब आंबेडकर यांच्या वारसांच्या नावावर असलेल्या डोंबिवलीमधील दावडी येथील भूखंडावर भूमाफियांनी अतिक्रमण करत सात मजल्याची इमारत उभारली होती..याप्रकरणी केडीएमसीकडे तक्रार येताच संबधीत विकासक ललित महाजन यांच्यासह भूमाफिया विरोधात एमआरटीपी अंतर्गत गुन्हा दाखल करत कारवाई सुरू केली. मंगळवारी पोलीस बंदोबस्तात पालिका प्रशासनाने इमारत जमीनदोस्त करण्याची कारवाई सुरू केली.डोंबिवली जवळ असलेल्या दावडी येथे सेंट जॉन शाळेसमोरी भागात डॉ बाबासाहेब आंबेडकर यांच्या नातेवाईकांच्या नावावर असलेल्या भूखंडावर भूमाफियांनी सात मजली इमारत उभी केली होती . या जमिनीच्या सातबारावर डॉ. बाबासाहेब आंबेडकर यांचे नातू प्रकाश आंबेडकर, आनंदराज आंबेडकर यांच्यासह आणखी दोन नावे आहेत..दरम्यान आपल्या भूखंडावर अतिक्रमण होत असल्याचे लक्षात येताच आनंदराज आंबेडकर यांनी संबधित भूमाफियाला जाब विचारत याची माहिती रिपब्लिकन सेनेच्या पदाधिकाऱ्याना देत याप्रकरणी मदत करण्याची मागणी केली होती.यानंतर रिपब्लिकन सेनेचे पदाधिकारी आनंद नवसागरे यांनी याप्रकरणी पालिका प्रशासनाकडे तक्रार करत हे अनधिकृत बांधकाम तोडण्याची मागणी केली होती. मागील अडीच वर्षापासून नवसागरे याप्रकरणी पाठपुरावा केला होता या दरम्यान एका विकासकाने अर्धवट काम सोडले होते..यानंतर दुसऱ्या विकासकाच्या मदतीने संबधित भूमाफियाने अर्धवट राहिलेल्या इमारतीचे काम पूर्ण केले. यादरम्यान पालिका प्रशासनाच्या वतीने विकासक ललित महाजन यांच्यासह भूमाफिया विरोधात मानपाडा पोलिस ठाण्यात तक्रार दाखल केली आहे. संबधित प्रकरणात पोलिसांनी एमआरटीपी अंतर्गत गुन्हा दाखल केला.मंगळवारी या इमारतीवर पोलीस बंदोबस्तात जेसीबीच्या सहाय्याने तोडक कारवाई सुरू करण्यात आली आहे. लवकरच ही इमारत जमीनदोस्त करण्यात येणार असल्याचे केडीएमसी उपायुक्त अवधूत तावडे यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
