डोंबिवली - कल्याण येथील वल्लीपिर चौकात शुक्रवारी दुपारी भरचौकात एका तरुणावर चाकूने हल्ला झाल्याची खळबळजनक घटना घडली. ही घटना परिसरातील सीसीटीव्ही कॅमेऱ्यात कैद झाली असून यामुळे नागरिकांमध्ये भीतीचे वातावरण निर्माण झाले आहे..पोलीस ठाण्यातून मिळालेल्या माहितीनुसार, अरुण तिवारी (आरोपी) याने जुन्या वादातून या हल्ल्याचे कृत्य केले आहे. पीडित तरुणावर चाकूने वार करण्यात आले असून, त्याला तातडीने रुग्णालयात हलवण्यात आले आहे. सुदैवाने, त्याची प्रकृती स्थिर असल्याचे समजते..बाजारपेठ पोलीस ठाण्याच्या अधिकाऱ्यांनी आरोपी अरुण तिवारी याला तातडीने ताब्यात घेतले आहे. या घटनेबाबत गुन्हा दाखल करण्यात आला असून, पुढील तपास सुरू आहे. सीसीटीव्ही फुटेजच्या आधारे हल्ल्याचे कारण स्पष्ट करण्याचा प्रयत्न केला जात आहे..बाजारपेठ पोलीस ठाण्याचे वरिष्ठ पोलीस अधिकारी घटनास्थळी पोहोचून तपासाची दिशा आखत आहेत. ही घटना दिवसाढवळ्या भरचौकात घडल्याने स्थानिक नागरिकांमध्ये भीतीचे वातावरण आहे. पोलिसांनी सुरक्षेच्या दृष्टीने कठोर पावले उचलावीत अशी मागणी नागरिकांकडून होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
