Mumbai Local Train News: वाशी स्टेशनमध्ये तरुण ट्रेनखाली अडकला, पाहा प्रवाशांनी काय लढवली शक्कल

मुंबई- नवी मुंबईच्या वाशीमध्ये प्रवाशांनी एका तरुणाचे प्राण वाचवले आहेत. तरुणाला वाचवण्यासाठी प्रवाशांनी शक्कल लढवली. तरुण लोकलच्या खाली पडला होता. त्या तरुणाला वाचवण्यासाठी प्रवाशांनी लोकल ट्रेनला धक्का दिला आणि तरुणाचे प्राण वाचवले आहेत. यासंदर्भातील व्हिडिओ सोशल मीडियावर व्हायरल होत आहे. ( Youth trapped under train in Vashi station)

वाशी स्टेशनवर चाकाखाली अडकलेल्या माणसाला वाचवण्यासाठी प्रवाशांनी ट्रेनला धक्का दिला. नवी मुंबईच्या वाशी स्थानकावर उपनगरीय रेल्वेच्या चाकाखाली अडकलेल्या एका व्यक्तीला वाचवण्यासाठी प्रवाशांनी शक्कल लढवली. त्यामुळे तरुणाचा जीव वाचू शकला. प्रवाशांनी खाली उतरत लोकल तिरकी करत तरुणाचे प्राण वाचवले आहेत.

लोकलने हजारो प्रवाशी दररोज प्रवास करत असतात. तसेच लोकल प्रवासादरम्यान आणि स्टेशनवर लोकांना वेगवेगळे अनुभव येत असतात. तसाच एक वेगळा प्रकार वाशीमध्ये पाहायला मिळाला. प्रवाशांनी चक्क लोकल ट्रेनला धक्का देऊन सरकवले आणि एका तरुणाचा जीव वाचवला. चांगले काम करण्याच्या बाबतीत मुंबईकर नेहमी पुढे असतात हे पुन्हा एकदा पाहायला मिळाले. (Latest Marathi News)