आणखी किती दिवस थंडीत पडणार पाऊस ? हवामान खात्याने दिलं उत्तर

मुंबई आणि उपनगरात मध्यरात्रीपासून पावसाची हजेरी पाहायला मिळतेय. गेले काही दिवस मुंबई आणि उपनगरांमधील वातावरण ढगाळ असून दररोज रिमझिम पाऊस पडतोय. अशात मध्यरात्रीपासूनच मुंबई, ठाणे कल्याण डोंबिवली या भागांमध्ये पावसाने हजेरी लावल्याचं पाहायला मिळतंय. रिमझिम पाऊस आणि गारवा यामुळे नागरिक मात्र सुखावलेत. 

दरम्यान मुंबई, ठाणे , कल्याण डोंबिवली, भिवंडी या भागांमध्ये पडणारा पाऊस हा अरबी समुद्रात कमी दाबाचा पट्टा तयार झाल्यानं पडतोय. महत्त्वाची बाब म्हणजे थंडीच्या दिवसात पाऊस पडण्याची ही पहिलीच वेळ आहे. हवामान विभागाच्या अंदाजानुसार पुढील दोन दिवस म्हणजेच ४८ तास वातावरण असंच ढगाळ राहणार आहे. राज्यभरात पुढील ४८ तास वातावरण ढगाळ राहणार असल्याची शक्यताही हवमान विभागाने दिली आहे. 

महत्त्वाची बातमी : आजपासून मेट्रोच्या फेऱ्यांमध्ये होणार वाढ; मुंबईकरांना मिळणार दिलासा
 
हिवाळी अधिवेशनात जोरदार पावसाची हजेरी : 

दोन दिवसीय हिवाळी अधिवेशनाला आजपासून सुरुवात झालीये. मात्र हिवाळी अधिवेशनात जोरदार पावसाने हजेरी लावली. अचानक आलेल्या पावसाने अनेकांची तारांबळ उडाली. मंत्री आणि विधिमंडळ सदस्यांसाठी अंथरलेला लाल कार्पेट ओलाचिंब झालाय. तर अनेकांना विधान भवनाच्या गेटपासून विधान भवनात भिजत यावे लागत आहे.  

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai

पिकांचं नुकसान 

गेले काही दिवस थंडीत पडत असलेल्या पावसामुळे शेतकऱ्यांचं पुहा एकदा नुकसान होताना पाहायला मिळतंय. ढगाळ वातावरण आणि रिपरिप पावसाने  बागायतदार आणि भातशेती असलेला शेतकरी चिंतेत आहे. अनेक ठिकाणी शेतकऱ्यांनी कापून ठेवलेल्या भाताच्या पेंढी भिजल्याने शेतकऱ्यांचे मोठ्या प्रमाणात नुकसान होत असून जनावरांच्या चाऱ्याचा प्रश्न निर्माण होत आहे.

low pressure belt in Arabian sea mumbai and suburbs to witness drizzles in winter