विरार - नकली CID प्रकरणी समीर वर्तक यांची गंभीर दखल घेत महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी महाराष्ट्र पर्यावरण सेलच्या अध्यक्ष पदावरून तात्काळ निलंबीत केले आहे. (२४ जून २०२५ म. प्र. कॉ. क. जावक क्रमांक २०६/२०२५),.याप्रकरणी प्रदेशाध्यक्ष हर्षवर्धन सपकाळ यांनी वसई विरार शहर जिल्हा काँग्रेस कमिटीचे जिल्हाध्यक्ष ओनील आल्मेडा यांचे कडून संपूर्ण प्रकारणाचा लेखी अहवाल मागवला आहे. समीर वर्तक यांनी नकली CID प्रकरणी लेखी खुलासा त्वरित न दिल्यास त्यांच्यावर पुढील कठोर कारवाई बाबत आदेश दिले आहेत..पर्यावरण विभागाच्या नावाखाली अनेक ठिकाणी केलेल्या भ्रष्टाचार आणि वसुली बाबतची माहिती जिल्हा काँग्रेस कडून मागवण्यात येत आहे. काँग्रेस पक्षाच्या व पदाच्या नावावर ज्यांनी ज्यांनी वसुली केली आहे त्या सर्वावर कडक कारवाईची मागणी आता जिल्हा काँग्रेसच्या पदाधिकारी आणि कार्यकर्त्यांकडून होत आहे..या कारवाई बाबत समीर वर्तक यांनी सकाळशी बोलताना सांगितले कि, माझ्यावर झालेल्या आरोपामुळे व दाखल झालेल्या गुन्हामुळे माझी पक्षाने नियुक्ती रद्द केली आहे. माझ्यावर चुकीच्या पद्धतीने आरोप झाले आहेत. त्यावर मी लवकरच अधिकृत उत्तर देणार आहे. मी काँग्रेस पक्षाचा कार्यकर्ता म्हणून कार्यरत राहणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.