Wine in Grocery Shops | किराणा दुकानांमध्ये वाईन मिळणार? मंत्रीमंडळाच्या बैठकीत प्रस्ताव | Sakal
sakal

बोलून बातमी शोधा

wine

किराणा दुकानांमध्ये वाईन मिळणार? मंत्रीमंडळाच्या बैठकीत प्रस्ताव

महाराष्ट्रात येणाऱ्या काळात किराणामालाच्या दुकानात वाईन मिळणार असल्याची शक्यता आहे. यासंदर्भात मंत्रीमंडळाच्या बैठकीत मोठा निर्णय घेण्यात येणार आहे. येत्या काही दिवसात जीवनावश्यक वस्तू म्हणजेच किराणाच्या दुकानांमध्ये वाईनची विक्री केली जाऊ शकते.

त्यामुळे जर तुम्ही किराणा दुकानात गहू, तांदुळ किंवा इतर वस्तू घेण्यास गेलात आणि तिथे तुम्हाला वाईन दिसल्यास आश्चर्य वाटून घेऊ नका. या निर्णयाबाबत राज्य सरकार लवकरच अध्यादेश काढण्याच्या तयारीत आहे. (Maharashtra Government planning to sale wine in grocery shop)

राज्य सरकारने याबाबत जर अध्यदेश काढला तर, तुम्हाल यापुढील काळात किराणा, दुकान, बेकरी आदींसह डिपार्टमेंटल स्टोअरमधूनदेखील तुम्ही वाईन खरेदी करू शकणार आहात. मात्र अशा प्रकारची वाईन खरेदी करताना एका लीटरमागे 10 रूपये अबकारी कर आकरण्यात येणार आहे. जीवनावश्यक वस्तूंच्या दुकानात वाईनची विक्री केल्यामुळे राज्य सरकारच्या तिजोरीत 5 कोटींचा महसूल जमा होणार असून वाईनची विक्री किती प्रमाणात होते याची माहिती सरकारला मिळण्यास मदत होणार आहे.

काही दिवसांपूर्वीच राज्य सरकारने परदेशातून आयात केलेल्या मद्यावरील विशेष शुल्काचा दर 300 टकक्यांवरून 150 टक्के केला होता. त्यानुसार दारूच्या निर्मिती शुल्काचा विचार करून दारूचे नवीन दर उत्पादन शुल्क विभागाने जाहीर केले आहेत. तुर्तास, आठ प्रकारच्या दारूचे दर निश्चित करण्यात आले असून, लवकरच इतर कंपन्यांच्या दारूचेही दर अशाच प्रकारे जाहीर करण्यात येणार असल्याची माहिती उत्पादन शुल्क विभागाच्या अधिकाऱ्यांनी दिली आहे.

Web Title: Maharashtra Government Will Permit Grocery Shops To Sale Wine

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top