ठाण्यात वॉटरप्रुफ मतदान केंद्र..

आता पावसाची शक्यता पाहता मतदान केंद्र वॉटरप्रुफ असणार आहेत. पावसाळ्याचे चार महिने संपल्यानंतरही ऑक्टोबर महिन्यात पावसाची हजेरी सुरू आहे. दिवाळीतही पाऊस राहण्याची शक्यता व्यक्त होतेय. त्यामुळे मतदानावर पावसाचे सावट कायम आहे. आयोगाकडून तशी व्यवस्था करण्यात आलीय.

ठाण्यात खुल्या मैदानावर वॉटरप्रुफ मतदान केंद्र असतील मात्र या मंडपातील मतदानकेंद्र वॉटरप्रुफ असले तरी वादळी वारा आणि जोराचा पाऊस आल्यास अडचण येऊ शकते.

दरम्यान, यंदा राजकीय पक्षांच्या प्रचारसभांवर आणि मतदानावर कधी नव्हे ते पावसाचं सावट आहे. हवामान विभागाने पावसाचा ऑरेंज अलर्ट जारी केलाय. याचा अर्थ म्हणजे कोणत्याही क्षणी नैसर्गिक आपत्ती येऊ शकते. त्यामुळे सावधान रहा. हवामान खात्याच्या या इशाऱ्यामुळे अनेक उमेदवारांची चिंता वाढलीय.

Webtitle : marathi news vidhan sabha 2019 waterproof election booth