अंधेरीत सिनेमाच्या सेटला भीषण आग; अग्निशमन दलाच्या 8 गाड्या दाखल

Massive Fire In Mumbai Andheri : मुंबईतील अंधेरी येथे भीषण आग लागल्याचे वृत्त समोर आले असून, आगीवर नियंत्रण मिळवण्याचे काम युद्ध पातळीवर सुरू करण्यात आले आहे. घटनास्थळी अग्निशमन दलाच्या आठ ते 10 गाड्या दाखल झाल्या आहेत. मिळालेल्या प्राथमिक माहितीनुसार चित्रकूट मैदानावरील चित्रपटाच्या सेटला ही आग लागल्याचे सांगितले जात आहे. यामध्ये कुणी अडकले आहेत का? याबाबत अद्यापपर्यंत कोणतीही माहिती समोर आलेली नाही.

मिळालेल्या माहितीनुसार,अंधेरीतील डीएनए नगरमधील चित्रकूट मैदानावर एका चित्रपटाच्या सेटला ही आग लागली आहे. या आगीव नियंत्रण मिळवण्याचे प्रयत्न युद्ध पातळीवर सुरू असून, आगीचे लोटच्या लोट आकाशात परसरलेले दिसून येत आहेत. ही आग नेमकी कशी लागली याचे कारण अद्याप समजू शकलेले नाही.

मुंबई आपत्ती विभागाकडून ही आग लेव्हल 2 ची असल्याचे सांगण्यात आले असून, चित्रकूट मैदानावर तात्पूरत्या स्वरुपात उभारण्यात आलेल्या चित्रपटाच्या सिनेमाच्या सेटला ही आग लागली यामध्ये तेथील सर्व सामान जळून खाक झाले आहे. आतापर्यंत या घटनेत कोणतीही जिवीत अथवा मनुष्य हानी झाल्याचे वृत्त समोर आलेले नाही. चित्रकूट मैदानावर अनेक चित्रपट आणि मालिकांच्या चित्रीकरणासाठी छोटे- छोटे सेट उभरण्यात येतात. त्यातीलच एका सेटला ही आग लागली आहे.