डोंबिवली : रामनवमीच्या दिवशी प्राण्यांची कत्तल करू नये, असे शासनाचे आदेश आहेत. कल्याण डोंबिवली पालिका प्रशासनाने पालिका हद्दीतील प्राण्यांची कत्तल करून मांस विक्री करणाऱ्या विक्रेत्यांना रामनवमीच्या दिवशी प्राण्यांची कत्तल करण्यास प्रतिबंध करणारा आदेश काढला होता. तरीही या आदेशाचे उल्लंघन करून रामनवमीच्या दिवशी डोंबिवली परिसरातील लोढा हेवन, मलंग गड रस्त्यावरील काका ढाबा भागात मांस विक्री करणाऱ्या एकूण पाच जणांच्या विरुध्द पोलिसांनी मानपाडा पोलीस ठाण्यात गुन्हे दाखल केले आहेत.