मुंबईत येत्या रविवारी रेल्वेने प्रवास‌ करणार‌ असाल, तर...

मुंबई : उपनगरीय रेल्वे मार्गावरील ओव्हरहेड वायर,सिग्नल यंत्रणा आणि रेल्वे रूळाच्या -देखभालीसाठी रेल्वेच्या तिन्ही मार्गावर रविवारी (ता.23) मेगाब्लाॅक घेण्यात येणार आहे. मध्य रेल्वेवर मांटुगा ते मुंलुड डाऊन जलद, सीएसएमटी ते चुनाभट्टी आणि वांद्रे अप- डाऊन तर बोरीवली ते गोरेगाव अप- डाऊन जलद मार्गावर मेगाब्लॉक घेण्यात येणार आहे. त्यामुळे प्रवाशांची गैरसोय होण्याची शक्यता आहे.

मध्य रेल्वे :

कुठे : मांटुगा ते मुंलुड स्थानकांदरम्यान डाउन जलद मार्गावर
कधी :  स. 10.30 ते दु. 3.00 वाजेपर्यंत
परिणामी : माटुंगा ते मुलुंड दरम्यान डाउन जलद मार्गावरील वाहतूक डाउन धीम्या मार्गावरून चालवण्यात येणार आहे.

हार्बर रेल्वे :

कुठे : सीएसएमटी ते चुनाभट्टी आणि वांद्रे स्थानकांदरम्यान अप आणि डाऊन दोन्ही मार्गांवर
कधी : स. 11.10 ते दुपारी 4.10 वाजेपर्यंत ब्लाॅक घेण्यात येणार आहे.
परिणाम : स. 9.56 तेदु. 4.23 वाजेपर्यंत सीएसएमटी ते वांद्रे, अंधेरी, गोरगाव दरम्यानची अप आणि डाऊन मार्गांवरील वाहतूक पूर्णपणे बंद राहणार आहे.  तर सीएसएमटी ते पनवेल, बेलापूर, वाशी स. 9.53 तेदु. 2.44 अप- डाऊन वाहतूक बंद राहणार आहे . या प्रवाशांच्या सोयीसाठी कुर्ला स्थानकातील प्लॅटफार्म क्रमांक 8 वरून पनवेलकरीता स्पेशल लोकल चालवण्यात येणार आहे.

पश्चिम रेल्वे :

कुठे : बोरीवली ते गोरेगाव अप- डाऊन जलद मार्गावर
कधी : सकाळी 10.30 ते दुपारी 3.35 वाजेपर्यंत
परिणाम : अप-डाऊन जलद मार्गावरील लोकल अप-डाऊन धीम्या मार्गावर,  दरम्यान काही लोकल गाड्या रद्द करण्यात येणार आहेत.