मेट्रो 3 च्या विधान भवन स्थानकाचे बांधकाम पूर्ण; 'कट आणि कव्हर' या आधुनिक पद्धतीचे बांधकाम

मेट्रो 3 च्या विधान भवन स्थानकाचे बांधकाम पूर्ण; 'कट आणि कव्हर' या आधुनिक पद्धतीचे बांधकाम


मुंबई : मुंबई मेट्रो रेल कॉर्पोरेशन ( एमएमआरसी ) द्वारे विधान भवन मेट्रो स्थानकाच्या साच्याचे काम पूर्ण करण्यात आले आहे. हे बांधकाम मेट्रो 3 च्या पॅकेज 1 अंतर्गत येते . यात तळाची स्लॅब, मॅझेनाईन स्लॅब, कॉनकोर्स स्लॅब आणि छताची स्लॅब बांधकामाचा समावेश आहे. तसेच पॅकेज 7 अंतर्गत येणाऱ्या एमआयडीसी स्थानकाचे देखील तिन्ही स्लॅबचे बांधकाम पूर्ण झाले आहे.

विधान भवन स्थानकाचे बांधकाम 'कट आणि कव्हर' या आधुनिक पद्धतीने करण्यात आले आहे. या स्थानकात प्रवाशांसाठी सात प्रवेश-निकसद्वारांची सुविधा असेल. मुंबई मेट्रो 3 मार्गिकेवरील विधान भवन स्थानकात चाकरमान्यांची वर्दळ अधिक प्रमाणात असेल. या स्थानकाद्वारे मंत्रालय, विधान भवन, नवीन प्रशासकीय इमारत जोडले जातील, असे एमएमआरसीचे व्यवस्थापकीय संचालक रणजित सिंह देओल म्हणाले. 

विधान भवन स्थानकाचे 75.45 टक्के बांधकाम पूर्ण झाले आहे. या स्थानकावरून दररोज 75 हजारांहून अधिक प्रवासी प्रवास करणे अपेक्षित आहे. पॅकेज 1 अंतर्गत हुतात्मा चौक, चर्चगेट आणि कफ परेड या मेट्रो स्थानकाची कामे देखील वेगात सुरू आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com