डोंबिवली - पूर्ववैमनस्यातून डोंबिवलीतील एका अल्पवयीन मुलाचे चार तरुणांनी अपहरण केले. सोमवारी रात्री उशिरा ही घटना घडली असुन, मोटारीमधून भोपर परिसरात मुलाला नेऊन बेदम मारहाण करत हल्ला करण्यात आला असल्याची प्राथमिक माहिती आहे..तसेच यापुढे आमच्या वाटेला गेलास तर तुझ्या वडिलांनाही सोडणार नाही, अशी धमकी त्याला देण्यात आली आहे. या प्रकरणी मानपाडा पोलीस ठाण्यात अपहरणाचा गुन्हा दाखल करण्यात आला असून पोलीस आरोपींचा शोध घेत आहेत..डोंबिवली पूर्वेतील भोपर गाव हद्दीत राहणाऱ्या एका 16 वर्षीय मुलाचे काही दिवसांपूर्वी सुनीलनगरमध्ये राहणाऱ्या तरुणासोबत काही कारणावरून वाद झाला होता. या वादातून त्या तरुणाच्या मनात राग निर्माण झाला. सोमवारी रात्री साडेसातच्या सुमारास पीडित मुलगा आपल्या घराजवळील खासगी शिकवणी वर्गात गेला होता..काही कारणासाठी तो खाली येताच संधी साधून सुनीलनगरमधील तरुण आणि त्याचे तीन साथीदार अशा चौघांनी पीडित मुलाला जबरदस्तीने एका मोटारीत बसवले. मुलाने जोरजोरात आरडाओरडा केला, मात्र कोणीही मदतीला धावून आले नाही..आरोपींनी त्याला मारहाण करत मोटारीत टाकले आणि भोपर गावाच्या हद्दीत नेले. तेथे त्याला शिवीगाळ करत बेदम मारहाण करण्यात आली आणि एकाने त्याच्यावर धारदार वस्तूने हल्ला केला. यानंतर त्याला पुन्हा मोटारीत बसवून डी मार्ट जवळ सोडून देण्यात आले.पीडित मुलगा पायी चालत आपल्या घरी परतला आणि घडलेला प्रकार पालकांना सांगितला. यानंतर पालकांनी तत्काळ मानपाडा पोलीस ठाणे गाठून तक्रार दाखल केली..या घटनेबाबत माहिती देताना मानपाडा पोलीस ठाण्याचे वरिष्ठ पोलीस निरीक्षक संदीपान शिंदे म्हणाले, चार अनोळखी तरुणांनी पीडित मुलाचे अपहरण करून त्याला धमकावण्यात आले आहे. प्राथमिक तपासात त्याच्यावर कोणताही गंभीर वार झालेला नाही. पोलिसांनी आरोपींचा शोध सुरू केला आहे व लवकरच कारवाई केली जाईल असे सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
