13 वर्षीय मुलीचे तोंड दाबून पोलिसाने केले अश्लील चाळे

मुंबई, ता.15 : घराशेजारी खेळणाऱ्या 13 वर्षीय मुलीचे तोंड दाबून तिला बाजूला नेऊन 28 वर्षीय पोलिसानेच तिच्यासोबत अश्लील चाळे केल्याचा गंभीर प्रकार घाटकोपर परिसरात घडला आहे. हा प्रकार कोणालाही प्रकार न सांगण्यासाठी आरोपीने मुलीला धमकावल्याचाही आरोप आहे. याप्रकरणी पंतनगर पोलिसांनी आरोपी पोलिस शिपाया विरोधात विनयभंग व बाल लैंगिक अत्याचार प्रतिबंधक कायद्या अंतर्गत गुन्हा दाखल करून त्याला अटक केली आहे.

महत्त्वाची बातमी : मला पाडून दाखवा, भर सभागृहात अजित पवारांनी स्वीकारलं मुनगंटीवारांचं चॅलेंज

पीडित मुलगी घराबाहेर खेळत होती. त्यावेळी आरोपी पोलिस शिपायाने तिचे तोंड दाबून बाजूला नेले व तिच्याशी अश्लील चाळे केले. त्यानंतर हा प्रकार कोणालाही सांगू नको अन्यथा परिणाम वाईट होतील, असे आरोपीने मुलीला धमकाले. मुलीने घडलेला प्रकार घरी सांगितल्यानंतर सोमवारी रात्री याप्रकरणी कुटुंबियांनी घाटकोपर येथील पंतनगर पोलिसांकडे धाव घेतली. त्यानंतर पोलिसांनी याप्रकरणी भादंवि कलम 354, 354 (ब), 341, 506 सह बाल लैंगिक अत्याचार संरक्षण कायदा कलम 8, 10, 12 अंतर्गत गुन्हा दाखल केला. त्यानंतर त्याला याप्रकरणी अटक करण्यात आली.

मुंबई विभागातल्या ताज्या बातम्या वाचण्यासाठी येथे क्लिक करा 

आरोपी पोलिस शिपाई मुलीच्या शेजारीच राहणारा असून विवाहीत आहे. सध्या तो विलेपार्ले पोलिस ठाण्यात कार्यारत आहे. याबाबतची माहिती त्याच्या वरिष्ठ अधिकाऱ्यांना देण्यात आल्याचे सूत्रांनी सांगितले. याप्रकरणी पंतनगर पोलिस ठाण्याचे वरिष्ठ पोलिस निरीक्षक सुहास कांबळे यांच्याशी संपर्क साधला असता सोमवारी आरोपीला अटक करण्यात आल्याचे सांगितले. याप्रकरणी आरोपीला विशेष पोक्सो न्यायालयात हजर करण्यात आले असून न्यायालयाने आरोपीला पोलिस कोठडी सुनावली आहे. आरोपीविरोधात विभागीय कारवाईची शिफारसही करण्यात आल्याचे एका वरिष्ठ अधिकाऱ्याने सांगितले. 

misconduct of police man with 13 years old girl case registered in ghatkopar