Mira Bhayandar Virar Metro: मिरा-भाईंदर ते विरार मेट्रोसाठी १७,७२४ कोटींचा नवा प्रस्ताव; मार्ग बदलून २४.९ किमी, १७ स्थानकांची योजना

मुंबई : मुंबई, ठाणे, मिरा भाईंदर परिसरात विस्तारत असलेल्या मेट्रोचे जाळे आता वसई-विरारपर्यंत जाणार आहे. त्यानुसार मुंबई महानगर प्रदेश विकास प्राधिकरणाने (एमएमआरडीए) मिरा-भाईंदर ते विरार मेट्रो कॉरिडॉरचा प्रस्ताव राज्य शासनाकडे मंजुरीसाठी पाठवला आहे. दरम्यान याआधीच्या प्रस्तावित मार्गाचे संरेखन बदलल्यामुळे प्रकल्पाची किंमत आधीच्या ६९०० कोटी रुपयांवरून वाढून १७ हजार ७२४ कोटी रुपये झाली आहे.