Mumbai : एमएमआरडीए बीकेसीतील कोट्यवधीचे भूखंड भाडेतत्त्वावर देणार

मुंबई : मुंबई प्रदेश महानगर प्राधिकरणाने (एमएमआरडीए)ने आखलेल्या प्रकल्पांच्या अंमलबजावणीसाठी निधी उपलब्ध व्हावा म्हणून वांद्रे-कुर्ला संकुलातील आपल्या ताब्यात सुमारे १४ हजार चौरस फुटाचे भूखंड खासगी व्यावसायिकांना भाडेतत्त्वावर देण्याचा निर्णय घेण्यात आला आहे. तब्बल ८० वर्षांसाठी हे २ भूखंड भाडेतत्वावर देण्यात येणार आहे.

या भूखंडाच्या विक्रीतून २ हजार ९२८ कोटी इतकी रक्कम एमएमआरडीएला मिळण्याची शक्यता वर्तविण्यात येत आहे. मुंबई आणि परिसरात एमएमआरडीएने गेल्या काही वर्षात मोठं मोठे प्रकल्प सुरू केले आहेत. हे प्रकल्प वेळेत पूर्ण व्हावे आणि वेळेत पूर्ण व्हावे यासाठी पुरेसा निधी उभारण्यावर भर आहे.

त्यामुळे बिकेसीतील सुमारे १५ चौरस फूट जागा व्यावसायिक वापरासाठी भाडेतत्त्वावर देण्याचा निर्णय एमएमआरडीएने घेतला आहे. बिकेसीतील ई आणि जी ब्लॉकमधील जमीन एमएमआरडीएच्या मालकीची आहे. या दोन ब्लॉकमध्ये मिळून वाणिज्य वापराचे ११३ भूखंड, रहिवासी वापराचे ३४ भूखंड, सामाजिक सुविधांसाठीचे २० भूखंड आहेत.

एमएमआरडीएने बीकेसीतील सी १३ आणि सी १९ डी या २ व्यावसायिक वापराच्या भूखंडाना भाडेतत्वावर देण्यासाठी निविदा मागवल्या आहेत. सी १३ भूखंड ७ हजार ७१ चौरस मीटरचा असून ४५ हजार क्षेत्रावर बांधकाम करण्याची परवानगी आहे. सी १३ साठी १५५० हजार कोटी इतकी रक्कम निश्चित करण्यात आली आहे. तर सी १९ साठी १३७८ कोटी इतकी रक्कम निश्चित करण्यात आली आहे. याहून अधिक बोली लागण्याची शक्यता वर्तविण्यात आली आहे.

त्याच्या पुढे सी १९ भूखंड ६ हजार ९६ चौरस मीटरचा असून ४० हजार चौरस मीटर बांधकाम क्षेत्रफळाचा आहे. या दोन्ही भूखंडांसाठी प्रत्येकी चौरस मीटरसाठी ३ लाख ४४ हजार ५०० राखीव किंमत ठरविण्यात आली आहे. यातून अंदाजे २ हजार ९२८ कोटी रुपयांची रक्कम मिळेल. तरी इच्छुक कंपन्यांना १७ जुलैपर्यंत टेंडर सादर करता येणार आहे.