करारा जवाब मिलेगा! 'राज' सभेपूर्वी मनसेकडून टीझर रिलीज

मुंबई : मनसे अध्यक्ष राज ठाकरे यांची 12 एप्रिल रोजी ठाण्यामध्ये संध्याकाळी जाहीर सभा पार पडणार आहे. त्यापूर्वी या सभेचा टीझर मनसेकडून रिलीज करण्यात आला आहे. गुढीपाडव्याच्या सभेमध्ये राज ठाकरेंच्या भाषणावरील राजकीय प्रतिक्रियांना या सभेतून उत्तर दिले जाणार असल्याची चर्चा असून, राज यांच्या या सभेकडे संपूर्ण राज्याचे लक्ष लागले आहे. या सभेपूर्वीचा टीझर मनसे नेते संदीप देशपांडे यांनी ट्वीट केला आहे. यात त्यांनी टीझरला करारा जवाब मिलेगा#उत्तरसभा असे कॅप्शन दिले आहे.

टीझरमध्ये राज ठाकरे यांच्या शिवाजी पार्कमध्ये पार पडलेल्या सभेनंतर शरद पवार, संजय राऊत आणि अजित पवार यांनी केलेल्या टीका दाखवण्यात आल्या आहेत. तसेच या सर्व टीकांवर राज ठाकरे येत्या 12 एप्रिल रोजी होणाऱ्या ठाण्यातील सभेत उत्तर देणार असून, केलेल्या सर्व टीकांना राज ठाकरे करारा जवाब देणार असे म्हटले आहे.