मोखाडा : मोखाडा तालुक्याचे शेवटचे टोक असलेल्या कुर्लोद ग्रामपंचायत हद्दीतील जांभूळपाडा येथे स्मशानभूमी नसल्याने ग्रामस्थांना, प्रेताचे ऊघड्यावरच अंत्यसंस्कार करावे लागतात. मात्र, तालुक्यात मुसळधार पाऊस कोसळत असतांना, यमुना फुफाणे या मृत महिलेवर प्लास्टिकच्या ताडपत्रीचे आच्छादन करून, अंत्यसंस्कार करावे लागल्याचे भिषण वास्तव समोर आले आहे. सरकारच्या नाकर्तेपणामुळे सरकारच्या लाडक्या बहीनीला मरणोत्तर मरण यातना भोगाव्या लागल्या आहे.