मोखाडा - मोखाड्यात सध्या एका माकडाने उच्छाद मांडला असून आता पर्यत अनेक जणांना या माकडाने चावा घेतला आहे. गेली 15 ते 20 दिवसांपासून वनविभागाला कळविल्यानंतरही यावर काहीच उपाययोजना करण्यात आलेली नाही.
त्यामुळे येथील नागरीकांचे जिव धोक्यात आले आहे. त्यामुळे या माकडाला जेरबंद करण्यासाठी, वनविभाने कारवाई करावी अशी मागणी नागरिकांनी केली आहे.
गेल्या काही दिवसांपासून पवारपाडा ते जव्हार फाटा दरम्यान एक मोठे माकड फिरत असून हे कदाचित जंगलातून रस्ता चुकल्याने भरकटले आहे. मात्र हे माकड बाकी माकडाप्रमाणे नसुन थेट नागरिकांवर हल्ला करून चावा घेत आहे. वनविभागाच्या वाहन चालकाला सुद्धा हे माकड चालल्याची घटना घडली आहे.
याभागातील अनेक मूल, तरुण यांना सुद्धा याने चावा घेतलेला आहे. यामुळे याभागात या माकडाची दहशत निर्माण झाली आहे. सदरचे माकड थेट धावत जावून नागरीकावर हल्ला चढवत असल्याने, शेतावर कामकारणार्या तसेच रस्त्यालगत काम करणाऱ्या मजूराना देखील याची दहशत निर्माण झाली आहे.
त्यामुळे वनविभागाने पिंजरा लाऊन या माकडाला जेरबंद करावे, तसेच त्याला त्याच्या नैसर्गिक अधिवासात सोडणे आवश्यक झाले आहे. मात्र वनविभाग या बाबीला गांभीर्याने घेत नसल्याचे दिसून येत आहे.
याबाबत वनपरिक्षेत्र अधिकारी राजेंद्र निकम यांच्याशी संपर्क साधला असता, या माकडाला जाळी लाऊन पकडण्याचा प्रयत्न केला मात्र तो असफल ठरला आहे. आता जव्हार येथुन पिंजरा आणण्यात येत आहे. त्यानंतरही हे माकड जेरबंद झाले नाही तर नाशिकहून टास्क फोर्स ची टिम पाचारण करण्यात येणार असल्याचे निकम यांनी सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.