मुंबईत आज कोरोना बाधितांची संख्या २ हजारांच्या आत, तर १० मृत्यू

मुंबई : शहरात मंगळवारी काहीसे दिलासादायक चित्र पाहायला मिळाले असून मागील दोन दिवसांपासून कोरोना रुग्णसंख्या आटोक्यात येताना दिसत आहे. आज दिवसभरात शहरात 1,815 कोरोना रुग्ण आढळले आहेत. तर एकूण 10 मृत्यूची नोंद झाली. तसेच शहरात रुग्ण बरे होण्याचा दर हा 96 टक्के राहिला. मुंबईतील एकूण पॉझिटिव्ह रुग्णांपैकी 1,525 रुग्ण हे लक्षणे नसलेले होते.

दरम्यान सध्या मुंबईत 34 इमारती सील केल्या गेल्या आहेत. तर एका दिवसात 293 लोकांना रुग्णालयात दाखल करण्यात आले आणि 753 लोकांना डिस्चार्ज देण्यात आला. तसेच शहरात रुग्ण दुप्पट होण्याचा दर ङा 161 इतका झाला आहे. (Mumbai Latest Corona Updates)

आज पुण्यातील रूग्णसंख्येत किंचित घट नोंदवली असून मंगळवारी पुणे (Pune Corona News) शहरामध्ये गेल्या 24 तासांत 5,271 नव्या कोरोनो बाधितांची (Corona) नोंद करण्यात आली आहे, तर आज 7 जणांचा कोरोनामुळे मृत्यू झाला आहे. आज 6,299 रूग्णांना घरी सोडण्यात आले असून. सध्या पुण्यामध्ये 45,267 सक्रिय कोरोना रूग्णांची नोंद करण्यात आली आहे.