मुंबईत दिवसभरात कोरोनाच्या २७९ नव्या रुग्णांची भर; २ जणांचा मृत्यू

मुंबई : बुधवारी शून्य कोरोना बाधित रुग्णांच्या मृत्यूंची नोंद झाल्यांनंतर आज 2 रुग्ण दगावले. तर 279 नवीन रुग्णांची (corona new patients) भर पडली. कोरोनाबाधित रुग्णांची एकूण संख्या 7,66,213 वर पोहोचली आहे. मुंबईत आज 201 रुग्णांनी कोरोनावर मात केल्याने आतापर्यंत 7,45,401 रुग्ण कोरोनामुक्त (corona free patients) झाले आहेत.

मुंबईतील सक्रिय रुग्णांची संख्या (corona active patients) 1873 इतकी आहे. मुंबईतील रूग्ण दुपटीचा कालावधी 2572 दिवस झाला आहे. कोरोना बाधित रुग्णसंख्या नियंत्रणात येत असून कोरोना वाढीचा दर देखील 0.03 इतका आहे.

आज 2 कोविड बाधित रुग्णाच्या मृत्यूची नोंद झाल्याने मृतांचा एकूण आकडा 16,362 वर पोचला आहे. बरे झालेल्या रूग्णांचा दर 97 टक्के असून कोविड वाढीचा दर 0.03 टक्के झाला आहे. आज दिवसभरात 42,524 कोविड चाचण्या केल्या गेल्या असून आतापर्यंत 1,30,34,764 एवढ्या चाचण्या झाल्या आहेत.