मुंबईत दिवसभरात कोरोनाच्या २१४ नव्या रुग्णांची भर; ४ जणांचा मृत्यू

मुंबई : आज कोरोनाच्या 214 नवीन रुग्ण आढळले (corona new patients) असून 4 रुग्णांचा मृत्यू झाला (corona deaths) आहे. कोरोना बाधित रुग्णांची एकूण संख्या 7,62,399  वर पोहोचली आहे. आज 296 रुग्णांनी कोरोनावर मात (corona free patients) केल्याने आतापर्यंत 7,41,253 रुग्ण कोरोनामुक्त झाले आहेत.

मुंबईतील सक्रिय रुग्णांची संख्या आणखी कमी झाली असून 2254 पर्यंत खाली आली आहे. मुंबईतील रूग्ण दुपटीचा कालावधी वाढून 2711 दिवस झाला आहे.कोरोना बाधित रुग्णसंख्या नियंत्रणात येत असून कोरोना वाढीचा दर देखील 0.02 पर्यंत खाली आला आहे. आज 4 कोविड मृत्यूची नोंद झाल्याने मृतांचा एकूण आकडा 16,326 वर पोहोचला आहे.

बरे झालेल्या रूग्णांचा दर 97 टक्के असून कोविड वाढीचा दर 0.02 टक्के झाला आहे. मुंबईत कोविड चाचण्या कालच्या तुलनेत वाढवण्यात आल्या आहेत. आज दिवसभरात 35,692 कोविड चाचण्या केल्या गेल्या असून आतापर्यंत 1,23,36,270 एवढ्या चाचण्या झाल्या आहेत.