Mumbai Crime: अंधेरी न्यायालय परिसरातील विहिरीत तरुणाचा मृतदेह आढळल्याने खळबळ

मुंबईतील अंधेरी न्यायालया शेजारील परिसरातून एक धक्कादायक घटना समोर आली आहे. न्यायालय परिसरात असलेल्या एका विहीरीत अज्ञात तरुणाचा मृतदेह आढळून आल्याने खळबळ माजली आहे.

अंधेरी पूर्वेकडील न्यायालय परिसरात असलेल्या मगन महल या इमारतीच्या आवारात आज सकाळी हा मृतदेह आढळून आला आहे. तर न्यायालय परिसरातील आरसा हॉटेल मधीलच कर्मचाऱ्याचा हा मृतदेह असल्याची प्राथमिक माहिती समजली आहे.

या घटनेची माहिती पोलिसांना मिळताच पोलिसांनी घटनास्थळी धाव घेतली. सध्या अग्निशमन दलाच्या जवानांनी दोरीच्या मदतीने मृतदेह विहिरीच्या बाहेर काढला असून या तरुणाने आत्महत्या केली की त्याची हत्या करून मृतदेह विहिरीत टाकला याबाबात अंधेरी पोलीस तपास करत आहेत.