Mumbai Crime: न्हावा शेवा बंदरातून 10 कोटीच्या परदेशी सिगारेट साठा जप्त

Mumbai Crime: महसूल गुप्तचर संचालनालयाच्या (डीआरआय) मुंबई विभागीय युनिटच्या कारवाईत 10.08 कोटी रुपये किंमतीच्या परदेशी सिगारेट असल्लेला कंटेनर जप्त करण्यात आल्या.दोन कंटेनरमध्ये गालिच्याखाली सिगरेटचा साठा दडवून ठेवला होता.

गुप्त माहितीच्या आधारे महसूल गुप्तचर संचालनालयाच्या मुंबई विभागीय पथकाने संयुक्त अरब अमिराती बंदरातून आयात करण्यात आलेल्या मालाचे दोन  कंटेनर रोखले. पहिल्या कंटेनरची सविस्तर तपासणी केल्यावर, परदेशी-ब्रँडच्या विशेषत: एस्से चेंज  सिगारेटचा साठा मिळाला.

कापडाच्या गुंडाळ्यामध्ये सिगारेटच्या एकूण 67,20,000 कांड्या लपवून ठेवल्या होत्या. जुन्या आणि वापरलेल्या गालीचांसह सर्व मुद्देमाल तात्काळ जप्त करण्यात आला. जप्त करण्यात आलेल्या सिगारेटची अंदाजे किंमत 10.08 कोटी रुपये इतकी आहे. या संदर्भातला पुढील तपास सुरू आहे.