हृदय प्रत्यारोपण : हिंदू महिलेचे हृदय धडकले मुस्लिम तरुणाच्या शरीरात

मुंबई : देशाच्या आर्थिक राजधानी मुंबईत (Mumbai) जातीय सलोख्याचे अनोखे उदाहरण समोर आले आहे. ब्रेन डेड हिंदू महिलेचे (hindu woman) हृदय (heart) मुस्लिम तरुणाच्या (muslim boy) शरीरात प्रत्यारोपित करण्यात आले आहे, आणि हृदय प्रत्यारोपणानंतर (Heart transplant) त्या मुस्लीम तरुणाला नवीन जीवन (saves life) देण्यात आले.

या अनोख्या उदाहरणासाठी, डॉक्टरांनी एक अद्वितीय प्रकारचे इम्युनो-डायग्नोस्टिक तंत्र वापरून हृदय प्रत्यारोपण केले आहे. परळ येथील ग्लोबल रुग्णालयात दाखल 41 वर्षीय हिंदू महिलेला अंतर्गत रक्तस्त्रावामुळे ब्रेन डेड घोषित करण्यात आले. सुदैवाने, या महिलेचे हृदय 31 वर्षीय फरीद फणसोपकर यांना उपयोगी आले, जे या रुग्णालयात आधीच दाखल होते.

रुग्णालयाचे हृदय शल्यचिकित्सक डॉ. प्रवीण कुलकर्णी यांच्या मते, जुलै महिन्यापासून रुग्णालयात फरीदवर उपचार सुरू होते. फरीद व्यवसायाने शिंपी असून माहिमचा रहिवासी आहे. फरीद डाव्या वेंट्रिक्युलर डिसफंक्शन तसेच डिलेटेड कार्डिओ मायोपॅथीने ग्रस्त होता. जुलैमध्येच डॉक्टरांनी त्याला हृदय प्रत्यारोपणासाठी सुचवले. त्याचे शरीर इतर अवयव स्वीकारण्यासाठी, त्याच्या शरीराची प्रतिकारशक्ती कमी करण्यासाठी इम्युनो-डायग्नोस्टिक तंत्रांचा वापर केला गेला. गेल्या तीन महिन्यांपासून त्यांच्यावर उपचार सुरू होते.

दरम्यान, हृदय प्रत्यारोपणासाठी त्याचे नावही नोंदवण्यात आले. दरम्यान, 12 सप्टेंबर रोजी याच रुग्णालयात एका हिंदू महिलेला ब्रेन डेड घोषित करण्यात आले आणि योगायोगाने फरीदलाही रुग्णालयात उपचारासाठी दाखल करण्यात आले. डॉक्टरांनी या महिलेचे हृदय फरीदला देण्याचा निर्णय घेतला आणि  यशस्वी शस्त्रक्रियेदरम्यान त्या महिलेचे हृदय फरीदच्या शरीरात प्रत्यारोपित करण्यात आले. फरीदच्या हृदय प्रत्यारोपणासाठी अवलंबलेल्या तंत्रामुळे फरीद 9 दिवसांत पूर्णपणे बरा झाला. प्रत्यारोपणानंतर रुग्णाला तंदुरुस्त होण्यासाठी साधारणपणे किमान तीन आठवडे लागतात. डॉ कुलकर्णी यांच्या मते, हृदय प्रत्यारोपणासाठी मुंबईत प्रथमच इम्युनो-डायग्नोस्टिक तंत्रज्ञान वापरण्यात आले आहे.