लॉकडाउन विरोधात मुंबईत हॉटेल मालक उतरले रस्त्यावर

मुंबईत लॉकडाउन होण्याची शक्यता आणि हॉटेल उद्योगावर लादलेल्या निर्बंधांविरोधात मुंबईत आज हॉटेल मालकांनी निदर्शने केली. मुंबईत सध्या दररोज पाज हजारपेक्षा जास्त रुग्ण आढळत आहेत. त्यामुळे राज्य सरकारने हॉटेल्सवर काही निर्बंध टाकले आहेत. पहिल्या लॉकडाउनमध्ये नुकसानीचा सामना करणाऱ्या हॉटेल चालकांनी रात्रीच्या निर्बंधांविरोधात आवाज उठवला आहे. जोगेश्वरी पश्चिम आणि ओशिवरामधील हॉटेल चालकांनी शांततामय मार्गाने निदर्शने केली. 

रात्री आठ नंतर हॉटेल बंद म्हणजे व्यवसाय बंद असे त्यांनी निदर्शने  फलकांवर लिहिले होते. नो लॉकडाउन प्लीज, आमच्या नोकऱ्या वाचवा अशा घोषणा हॉटेल चालकांनी फलकावर लिहिल्या होत्या. हॉटेल क्षेत्रात काम करणारे पुरुष आणि महिला दोघेही या निदर्शनांमध्ये सहभागी झाले होते. 

धक्कादायक! मार्च महिन्यात महाराष्ट्रात ५५ हजाराहून अधिक लहान मुलांना कोरोना

लॉकडाउनला विरोध करणारे संजय निरुपम हॉटेल चालकांचे शिष्टमंडळ घेऊन ओशिवरा पोलीस ठाण्यात गेले होते. रात्री आठ ते सकाळी सात या वेळेत हॉटेल्स, सिनेमा हॉल बंद असतात. फक्त पार्सलना परवानगी दिलेली आहे. 

रजनीकांत यांच्याबद्दल राज ठाकरे म्हणाले, "ज्या अभिनेत्याचं देऊळ..."

"मिशन बिगिन अगेन अंतर्गत आम्हाला सर्वात शेवटी परवानगी देण्यात आली होती. मागच्यावर्षी ऑक्टोबर महिन्यात रेस्टॉरन्टसना परवानगी देण्यात आली होती. मर्यादीत ग्राहकसंख्येसह ही परवानगी दिली होती. नववर्षाच्या पूर्वसंध्येलाही अशाच प्रकारचे निर्बंध घातले. रात्री ११ पर्यंत हॉटेल्स, रेस्टॉरन्टस बंद करण्याचे निर्देश दिले होते. अनेक हॉटेल मालकांनी आपल्या कर्मचारी संख्येत कपात केली, अजूनही व्यवसाय पूर्णपणे रुळावर आलेला नाही. सरळ बंद करण्याऐवजी सोशल डिस्टन्सिंग अधिक कठोर करावे" असे दादर मधल्या एका हॉटेल मालकाने सांगितले.