मुंबई : अरबी समुद्रात (Arabian Sea) दाखल झालेल्या गुलाब वादळाचा (Gulab cyclone) मुंबईवर चांगलाच परिणाम झाला. बऱ्याच भागात आज मुसळधार पाऊस (Heavy rainfall) पडला. आज सकाळी पासूनच मुंबईत ढगाळ वातावरण होते. त्यानंतर पावसाळा सुरवात झाली. दुपारनंतर पावसाचा जोर वाढल्याचे दिसले. मुंबई शहर,पूर्व उपनगर आणि पश्चिम उपनगरात ही पावसाने जोरदार बॅटींग केली. पवई (Powai) मध्ये सर्वाधिक 88.3 मिमी पावसाची नोंद झाली. त्याखालोखाल हाजी अली 77.73 मिमी, माझगाव 66.53 मिमी,वांद्रे 63.72 मिमी, भायखळा 54.87 मिमी पावसाची नोंद झाली. आकाशात काळेकुट्ट ढग जमा झाल्याने दिवसभर अंधार दाटून आला होता. पावसासोबत वारे देखील वेगाने वाहत होते.
मुंबई शहर 70.59,पूर्व उपनगर 75.84 तर पश्चिम उपनगरात 67.98 मिमी पाऊस पडला. 24 तासात मुंबईत 71.47 मिमी पावसाची नोंद झाली.उद्या देखील पावसाचा जोर कायम राहणार असल्याचा अंदाज हवामान विभागाने व्यक्त केला आहे. हवामान विभागाने मुंबईत मुसळधार पावसाचा अंदाज व्यक्त केला असला तरी अनेक लोक सकाळी छत्री न घेता घराबाहेर पडली होती. त्यामुळे अचानक सुरू झालेल्या मुसळधार पावसामुळे लोकांची त्रेधातिरपीट उडाली. अनेकांच्या नजरा छत्रीच्या दुकानाकडे वळल्या होत्या. छत्र्यांच्या स्टॉल वर गर्दी झाल्याने स्वस्त मिळणाऱ्या छत्र्या दुपट किमतीने विकल्या जात होत्या.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.