Mumbai News : मेट्रो ३च्या पहिल्या टप्प्याचे ८८ टक्के काम पूर्ण

मुंबई : बहुप्रतीक्षित मुंबईतील भूमिगत मेट्रो ३ च्या पहिल्या टप्प्याचे काम वेगाने सुरु आहे. पहिल्या टप्प्यात आरे ते बीकेसी मार्ग डिसेंबर अखेरपर्यंत मुंबईकरांसाठी खुला केला जाणार आहे. या टप्प्याचे ८८.२० टक्के काम पूर्ण झाली असल्याची माहिती मुंबई मेट्रोने दिली आहे. तर बीकेसी ते कफ परेड या मार्गाचे ७७.३ टक्के काम पूर्ण झाले आहे. ही संपूर्ण भूमिगत मेट्रोसेवा जून २०२४पर्यंत पूर्ण क्षमतेने सुरु करण्याचा मुंबई मेट्रोचा मानस आहे.

मुंबई मेट्रो रेल कॉर्पोरेशनने दिलेल्या माहितीनुसार, ३१ मे २०२३ पर्यंत मेट्रो ३ पहिला टप्पा 'आरे ते बीकेसी' हे काम ८८.२ टक्के पूर्ण झाले. यातील ओव्हरहेडचे काम ५८.८० टक्के, सर्व यंत्रणांचे काम ६६.७ टक्के, स्टेशनची उभारणी ९३.४ टक्के, भुयारीतील स्टेशनची उर्वरित कामे ९७.८ टक्के, मेट्रो मार्ग बसवणे ८९.५ टक्के काम पूर्ण झाले आहे.

या मेट्रोच्या दुसऱ्या टप्यातील बीकेसी ते कफ परेड या मार्गिकेचे ७७.३ टक्के काम पूर्ण झाले आहे. ओव्हरहेडचे काम ४६.३० टक्के, सर्व यंत्रणांचे काम ४६.८० टक्के, स्टेशनची उभारणी ८८.७ टक्के, भुयारीतील स्टेशनची उर्वरित कामे ८८.७० टक्के, भुयारातील कामे ९५.५० टक्के, तर मुख्य मार्गातील कामे ४६.९० टक्के झाली आहेत.

आरे ते बीकेसी स्थानकांच्या प्रगतीचा आढावा

स्थानक स्थापत्य तांत्रिक कामे

आरे ३२. ५% १८%

मरोळ नाका ९८.२% ८६.७%

छत्रपती शिवाजी महाराज

विमानतळ ९३% ६९.१%

सांताक्रूझ ८९.८% ५९.२%

बीकेसी ९२.३% ६०.७%

विद्यानगरी ९२. ८% ६६.८%

छत्रपती शिवाजी महाराज

विमानतळ टी१ ९०.८% ६७.१%

सहार रोड ९०.८% ६७.१%

एमआयडीसी ९८.२% ८६.७%

सिप्झ ९७.७% ८५.८%