मुंबई महापालिकेचे अन्नदान संशयांच्या भाेवऱ्यात; कॉंग्रेसचा आरोप

मुंबई : कोविड लॉकडाऊन काळात (corona lock down) महानगरपालिकेने (BMC) स्थालांतरीत मजदूर (Shifted workers) तसेच गरजूंना दिलेल्या जेवणाच्या खर्चावर 130 कोटी रुपयांचा खर्च (Food Expenses) केला आहे. मात्र, हा खर्च संशयांच्या भोवऱ्यात सापडण्याची शक्यता आहे. हा खर्च वाढवून दाखविण्यात आला असून त्यातील काही बिलेही (Expenses bill) उपलब्ध नसल्याचा गौप्यस्फोट कॉंग्रेसने (congress) केला आहे.

कोविड लॉकडाऊनच्या काळात आर्थिक व्यवहार बंद असल्याने स्थालांतरीत कामगारांसह हातावर पोट घेऊन जगणाऱ्या कुटूंबाच्या जेवणाचा गंभिर प्रश्‍न निर्माण झाला होता. त्यावर राज्य सरकारने अशा व्यक्तींसह कुटूंबाना दोन वेळचे जेवण पुरविण्याचे निर्देश महानगर पालिकेला दिले होते. त्यानुसार पालिकेने लाखो नागरीकांना रोज दोन वेळचे जेवण महानगर पालिका पुरवत होती.यासाठी 130 कोटी रुपयांचा खर्च करण्यात आला. मात्र,हा खर्च वाढवून दाखविण्यात आला आहे असा आरोप विरोधी पक्षनेते रवी राजा यांनी केला.अनेक कंत्राटाची तर बिलेच नाही.प्रत्यक्ष कमी व्यक्तींसाठी जेवण वितरीत केलेले असताना व्यक्तीची संख्या वाढवून दाखविण्यात आली आहे, असा आरोपही त्यांनी केला.

सरकारकडून 12 कोटी

हा जेवणाचा खर्च राज्य सरकारकडून दिला जाणार होता.पालिकेने 130 कोटी रुपयांचा हिशोब दाखवला आहे. मात्र,राज्य सरकारकडून आता पर्यंत 12 कोटी रुपयेच मिळाले आहे. अशी माहितीही रवी राजा यांनी दिली.जेवणावळीसाठी खालेल्या खर्चाची सर्व माहिती येत्या काही दिवसात उपलब्ध होईल, असेही त्यांनी नमुद केले.