Mumbai News : थेट रेल्वे इंजिन वाहतुकीत अपहाराचा प्रयत्न! वडाळा पोलिस ठाण्यात गुन्हा दाखल

मुंबई - रेल्वे इंजिनच्या अपहारप्रकरणी वडाळा टीटी पोलीस ठाण्यात गुन्हा दाखल कऱण्यात आला आहे. पैश्याच्या वादातून ट्रान्सपोर्ट कंपनीने इंजिनची डिलिव्हरी रोखली होती. मात्र प्रकरण पोलिसांत जाताच तात्काळ रेल्वे इंजिन मुंबईसाठी रवाना करण्यात आले.

रेल्वे इंजिन वडाळा टीटी पोलिसांनी ताब्यात घेतले आहे. ठरल्याप्रमाणे पैसे न दिल्याचा बहाणा करत मालकाने इंजिनाची डिलिव्हरी थांबवली होती. रेल्वे इंजिन परळ ते कलका येथे तसेच तेथून मुंबईला आणण्याची जबाबदारी एका खाजगी कंपनीला दिली होती. त्यासाठी सव्वा चार लाख रुपये ट्रान्सपोर्टरला देण्याचे ठरले होते. मात्र इंजिन कालका येथे पोहोचताच ट्रान्सपोर्टरचा सुर बदला. त्याने पैसे उशिरा दिल्याचा बहाणा करत आणखीन ६०,००० रुपयांची मागणी केली.

दरम्यान मागणी अमान्य केल्यास रेल्वे इंजिन परत देण्यास मालकाने नकार दिला. त्यावरून हे प्रकरण पोलिसांत गेले. त्यानंतर पोलिसांनी कंपनीविरोधात गुन्हा दाखल केला.