हुडहुडी भरवणारी थंडी मुंबईतून गायब

मुंबई - मुंबईत किमान पारा डोके वर काढू लागल्याने हुडहुडी भरवणारी थंडी गायब झाली आहे. मुंबईचा किमान पारा मंगळवारी 19 अंश सेल्सिअसवर आला.

सरासरीपेक्षा किमान पारा एका अंशानेच जास्त असला तरीही गारठा कमी जाणवत आहे. गेल्या आठवड्यात मुंबईतील पारा खाली घसरत 15 अंशांवर आला होता. त्यानंतर काही दिवस मुंबईत गुलाबी थंडी होती. आता कमाल आणि किमान तापमानात वाढ होत आहे. सद्यस्थितीत कमाल आणि किमान तापमानात फारसा फरक पडणार नाही. कमाल आणि किमान तापमान सरासरीच्या आसपासच राहील, असा अंदाज मुंबई प्रादेशिक हवामान खात्याने वर्तवला आहे.