मुंबईत 24 तासांत कोरोनाचे 102 नवे रुग्ण; फेब्रुवारीनंतर सर्वाधिक वाढ

कोरोनाच्या चौथ्या लाटेच्या भीतीदरम्यान मुंबईत मंगळवारी दोन महिन्यांत कोरोना रुग्ण संख्येत सर्वात मोठी वाढ पाहिला मिळाली. मुंबईत गेल्या 24 तासांत 102 नवीन कोविड रुग्णांची नोंद झाली असून, शहराच्या आरोग्य विभागाने जारी केलेल्या आकडेवारीनुसार, रुग्णांची संख्या 10,59,433 झाली आहे. मुंबईत 102 नवीन कोविड प्रकरणांसह, शहरात 27 फेब्रुवारीपासून कोरोना रुग्णसंख्येत झालेली ही सर्वात मोठी वाढ आहे.

कोरोना मृत्यूची संख्या 19,562 इतकीच असून नवीन मृत्यूची नोंद झाली नाही. विशेष म्हणजे, मुंबईत गेल्या दोन दिवसांत दररोज कोरोना रुग्णांची संख्या दुपटीने वाढली आहे. रविवारी मुंबईत 45 कोविड रुग्णांची नोंद झाली होती. या वर्षी 27 फेब्रुवारी रोजी मुंबईत 103 कोरोनाची प्रकरणे नोंदली गेली होती. त्यानंतर, शहरात 2 मार्चला 100 कोरोना रूग्णांची नोंद वगळता शहरातील नवीन रुग्णसंख्या दुहेरी अंकांमध्ये नोंदवली गेली आहे.

दरम्यान, महाराष्ट्रात गेल्या 24 तासांत कोरोनाचे 153 नवीन रुग्ण आणि चार मृत्यू झाल्याची नोंद आरोग्य विभागाने केली आहे. दरम्यान, 153 कोरोना रुग्ण बरे झाले आहेत. महाराष्ट्रात सक्रिय कोरोना रुग्णांची संख्या 943 झाली आहे.