Nagaland Vidhansabha Election Result : नागालँडमध्ये आरपीआयचा निळा झेंडा फडकला

मुंबई - नागालँड विधानसभा निवडणुकीत रिपब्लिकन आठवले पक्षाचे दोन उमेदवार विजयी झाले आहेत. टूएनसंद सदर- 2 विधानसभा मतदारसंघात इम्तिचोबा तर नोकसेन विधानसभा मतदारसंघात पक्षाचे अधिकृत उमेदवार वाय. लिमा ओनेन चँग हे विजयी झाले आहेत.

नागालँड मध्ये गन्ना किसान ( ऊस शेतकरी) या चिन्हावर पक्षाच्या उमेदवारांनी 8 ठिकाणी  निवडणूक लढली आणि त्यात 2 उमेदवार विजयी झाले. पक्षाच्या कार्यकर्त्यांनी रिपाइंच्या मध्यवर्ती कार्यालयात फटाके वाजवून नाचून आनंद साजरा केला. रामदास आठवले यांनी ढोल वाजवून विजयाचा जल्लोष साजरा केला.

नागालँड मध्ये निवडून आलेले रिपाइं चे दोन्ही आमदार नागालँड मध्ये भाजप एनडीपीपीच्या युतीला सरकार स्थापने साठी पाठिंबा देतील. नागालँड सरकार मध्ये रिपाइं ला सत्तेचा वाटा मिळण्यासाठी आपण भाजपचे राष्ट्रीय अध्यक्ष जे पी नड्डा आणि पक्ष श्रेष्टी नेत्यांना भेटणार आहे असे रामदास आठवले यांनी सांगितले.

यावेळी राष्ट्रीय सरचिटणीस अविनाश महातेकर, युवक आघाडी महाराष्ट्र प्रदेश अध्यक्ष पप्पू कागदे, स्थानिक जिल्हा अध्यक्ष संजय पवार, दयाळ बहादूर, सचिनभाई मोहिते, साधू कटके, प्रकाश जाधव, घनश्याम चिरणकर, अमित तांबे, शिरीष चिखलकर, अली चौधरी आदी अनेक मान्यवर उपस्थित होते.