'उद्धव ठाकरे होणं अवघड', जितेंद्र आव्हाडांनी केला सलाम

महाराष्ट्रात कोरोना रुग्णांची संख्या झपाट्याने वाढत आहे. त्यामुळे पुन्हा एकदा लॉकडाउन लागेल अशी शक्यता आहे. मुख्यमंत्री उद्धव ठाकरे लवकरच या संबंधी आपली भूमिका स्पष्ट करतील. लॉकडाउन केलं नाही, तरी निर्बंध मात्र आणखी कडक होऊ शकतात. लॉकडाउनच्या निर्णयाबद्दल महाविकास आघाडी सरकारमध्येच मतभेद आहेत. काँग्रेस आणि राष्ट्रवादी काँग्रेसला लॉकडाउन नकोय, तशी त्यांनी आपली भूमिकाही स्पष्ट केली आहे. 

उद्धव ठाकरे यांनी मात्र परिस्थिती सुधारली नाही, तर संपूर्ण लॉकडाउनचा इशारा दिलाय. एकूणच लॉकडाउन नको, अशी सर्वांची भूमिका आहे. पण उद्धव ठाकरे यांच्या लॉकडाउन बद्दलच्या भूमिकेमुळे त्यांच्यावर प्रचंड टीका होत आहे. भाजपापासून मनसे पर्यंत सर्वांनीच त्यांच्यावर प्रखर टीका केली आहे. 

ठाण्यात दारु विक्रीबाबत हॉटेल अँड रेस्टॉरन्ट असोशिएशनचा मोठा निर्णय

उद्धव ठाकरे यांच्यावर चहूबाजूंनी टीका होत असताना आता राष्ट्रवादी काँग्रेसचे नेते आणि मंत्रिमंडळातील त्यांचे सहकारी जितेंद्र आव्हाड उद्धव ठाकरेंच्या समर्थनार्थ पुढे आले आहेत. त्यांनी उद्धव ठाकरे यांच्या कौतुकाचं टि्वट करत सलाम केला आहे.