डोंबिवली - कल्याण डोंबिवली शहरे ही स्वच्छ झालीच पाहिजेत त्याला आमचा विरोध नाही. मात्र मुख्यमंत्री देवेंद्र फडणवीस यांनी काही वर्षांपूर्वी जाहीर केलेले साडे सहा हजार कोटी रुपयांच्या पॅकेजचे काय झाले?.असा सवाल शिवसेना उद्धव बाळासाहेब ठाकरे पक्षाचे भिवंडी लोकसभेचे संपर्कप्रमुख साईनाथ तारे यांनी केला आहे. केडीएमसी प्रशासनाने केलेल्या कचरा संकलन करवाढीविरोधात आज शिवसेना उद्धव बाळासाहेब ठाकरे पक्षातर्फे मोर्चा काढण्यात आला होता. त्यानंतर प्रसिद्धी माध्यमांशी बोलताना त्यांनी हा प्रश्न उपस्थित केला..केडीएमसी प्रशासनाने कोणतेही कर आणि त्याचे दर निश्चित न करता कचरा संकलन शुल्कात वाढ केली आहे. यामुळे नागरिकांवर निश्चितच कराचा मोठा बोजा बसणार असून त्यामुळेच केडीएमसी प्रशासनाने ही शुल्कवाढ मागे घेण्याची आग्रही मागणी शिवसेनेतर्फे यावेळी करण्यात आल्याचे त्यांनी सांगितले..तसेच 2015 च्या केडीएमसी सार्वत्रिक निवडणुकीवेळी मुख्यमंत्री फडणवीस यांनी कल्याण डोंबिवलीला स्मार्ट सिटी करण्यासाठी साडे सहा हजार कोटी रुपयांचे पॅकेज जाहीर केले होते..कल्याण डोंबिवलीच्या स्वच्छतेला शिवसेना उद्धव बाळासाहेब ठाकरे पक्षाचा कोणताही विरोध नाही. मात्र मग देवेंद्र फडणवीस यांनी दिलेले हे साडे सहा कोटी रुपयांचे काय? असा प्रश्न साईनाथ तारे यांनी उपस्थित केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
