तक्रारींसाठी एसटीत आता आगाराचा दूरध्वनी क्रमांक

मुंबई : प्रवाशांच्या तक्रारी अथवा समस्यांचे तातडीने निरसन करण्याच्या उद्देशाने एसटी महामंडळाच्या प्रत्येक बसमध्ये संबंधित आगाराच्या प्रमुखांचे दूरध्वनी क्रमांक असणार आहे. त्याबाबत परिवहन मंत्री व एसटी महामंडळाचे अध्यक्ष अनिल परब यांनी एसटी प्रशासनाला निर्देश दिले आहेत.

मोठी बातमी शरद पवारांचा मिडास टच, 'त्या' झोपडीचं पक्क्या घरात होणार रूपांतर

एसटीने दररोज सुमारे 67 लाख प्रवासी प्रवास करतात. या प्रवाशांना प्रवासात काही समस्या उद्भवल्यास अथवा प्रवासी सेवेबाबत त्यांना काही सूचना करायची असल्यास संपर्कासाठी सध्या त्यांना अडचणी येत आहेत. ग्राहकांच्या तक्रारी, समस्या आणि सूचनांचे निराकरण त्या-त्या पातळीवर तातडीने होणे आवश्‍यक असून त्यासाठी संबंधित आगार व्यवस्थापक व विभाग नियंत्रक यांनी प्रत्येक प्रवाशांच्या तक्रारी आणि समस्यांना सकारात्मक प्रतिसाद दिला पाहिजे.

ही बातमी वाचलीये का... सावधान! नवी मुंबईत डोक्यावर पडतायेत विजेचे खांब

प्रवासी सेवांचा दर्जा उंचावणे व अधिकाधिक प्रवाशांना आपल्याकडे आकर्षित करण्यासाठी चालक-वाहकांच्या बरोबरच अधिकाऱ्यांनीदेखील प्रवाशांच्या समस्या जाणून त्याचे तातडीने निरसन करणे महत्त्वाचे आहे. तसेच याबाबत एसटी बसमध्ये आगारप्रमुख व विभागप्रमुखांचा दूरध्वनी क्रमांक प्रदर्शित करण्याबाबतचे परिपत्रक लवकरच एसटी प्रशासनाकडून निर्गमित करण्यात येणार असल्याचे परब यांनी सांगितले. 
Now depo's contact number in bus for complaint