ही तर तिसरी लाट? रुग्णवाढीचं प्रमाण आधीपेक्षा जास्त

ओमिक्रॉनच्या (Omicron) पार्श्वभूमीवर सध्या देशात सुरक्षिततेच्या उपयांची अंमलबजावणी करण्याचे आदेश केंद्र सरकारने (Central Government) राज्यांना दिले आहेत. कोरोनाच्या लाटेतून बाहेर पडत असतानाच सर्व जगासमोर आज ओमिक्रॉनचं सावट उभं आहे. त्यातच तिसऱ्या लाटेत कोरोना बाधित होण्याचं प्रमाण देखील वाढल्याचं दिसतं आहे.

कोरोनाच्या पहिल्या आणि दुसऱ्या लाटेच्या तुलनेत या तिसरी लाट अर्थात ओमिक्रॉन संसर्गाबद्दल तज्ञांकडून वारंवार भिती व्यक्त केली जाते आहे. त्यातच आता मुंबईमधील आकडेवारीवरून काही धक्कादाय निष्कर्ष समोर आले आहेत. मुंबईमध्ये पहिल्या लाटेत १२ दिवसांत ७०६ ते १३६७ लोक बाधित होत होते. त्यानंतर दुसऱ्या लाटेत २० दिवसांत ६८३ ते १३२५ रुग्ण बाधित होत होते. तर आता तिसऱ्या लाटेत फक्त चार दिवसांतच ६८३ ते १३२५ रुग्ण बाधित होता आहेत. त्यामुळे ओमिक्रॉन संसर्गाचा वेग जास्त असल्याचं समोर येत आहे.

दरम्यान, ओमिक्रॉनच्या वाढत्या रुग्णसंख्येच्या पार्श्वभूमीवर केंद्र सरकारने सर्व राज्यांना मार्गदर्शक सूचना दिल्या होत्या. याअंतर्गत पालिकेने मेट्रो सिटी मुंबईमध्ये कम्युनिटी सर्विलांस सुरू केले आहे. कम्युनिटी सर्विलांसद्वारे, शहरांमध्ये कोविडने ग्रस्त असलेल्या कोणत्याही रुग्णाचे नमुने जीनोम सिक्वेन्सिंगसाठी पाठवले जात आहेत. पालिकेचे अतिरिक्त आयुक्त सुरेश काकाणी यांनी सांगितले की, जे नवीन रुग्ण सापडत आहेत ते कोणत्या व्हेरिअंटने ग्रस्त आहेत.