Omicron: दक्षिण आफ्रिकेच्या विमान सेवेबद्दल BMC चं स्पष्टीकरण

मुंबई: दक्षिण आफ्रिकेत (South africa) आलेल्या कोरोनाच्या नव्या व्हेरियंट (New variant) मुळे विमानसेवा (Flight service) बंद करण्याची कोणतेही मागणी केलेली नाही, असे मुंबई महापालिकेने स्पष्ट केलं आहे. पण दक्षिण आफ्रिकेतून येणाऱ्या प्रवाशांना क्वारंटाइन करण्याचा पालिकेचा विचार आहे. आगामी नाताळ सणाच्या पार्श्वभूमीवर परदेशातून अनेक नागरिक भारतात येण्याची शक्यता आहे. युरोपीय देशांमध्ये करोनाचा (Corona) उद्रेक वाढत असताना तेथून येणारे प्रवासी बाधित असल्याचे आढळल्यास त्यांच्या जनुकीय क्रमनिर्धारण चाचण्या (जिनोम सिक्वेन्सिंग) करण्याचा निर्णय मुंबई महापालिकेने घेतला आहे.

तसेच या देशांमधील जिनोम सिक्वेन्सिंग अहवालही देण्याची मागणी करोना कृती दलाकडे केली आहे. आगामी नाताळ सणाच्या पार्श्वभूमीवर परदेशातून अनेक नागरिक भारतात येण्याची शक्यता आहे तसेच सध्या रशिया, ऑस्ट्रेलिया, बेल्जियम, जर्मनी या देशांमध्ये पुन्हा एकदा करोनाचा फैलाव वेगाने होत आहे.

या देशांमध्ये करोनाचे नवा उत्परिवर्तित प्रकार आढळल्यास त्यावर देखरेख ठेवणे गरजेचे आहे. त्यामुळे सध्या तेथे आढळणाऱ्या करोना विषाणूच्या उत्परावर्तित रुपाची माहिती मिळणे गरजेचे आहे. यासाठी या देशांमधील जनुकीय क्रमनिर्धारण अहवाल मागविण्याची मागणी पालिकेने राज्य करोना कृती दलाकडे केली आहे.