मुंबईत दिवसभरात कोरोनाच्या 1377 रुग्णांची भर; एकाचा मृत्यू

मुंबई : कोरोनाबाधित रुग्णांची संख्या (corona new patients) वाढली असून आज 1377 नवीन रुग्णांची भर पडली. कोरोनाबाधित रुग्णांची एकूण संख्या 7,73,298 वर पोहोचली आहे.आज 338 रुग्णांनी कोरोनावर मात (corona free patients) केल्याने आतापर्यंत 7,48,537 रुग्ण कोरोनामुक्त झाले आहेत. मुंबईतील सक्रिय रुग्णांची संख्या (corona active patients) वाढून 5803 इतकी झाली आहे. मुंबईतील रुग्ण दुपटीचा कालावधी आणखी कमी होऊन 841 दिवस झाला आहे. परिणामी कोरोनावाढीचा दर देखील वाढला असून 0.09 इतका झाला आहे. (one thousand three hundred seventy seven new corona patients found in Mumbai)

मृत्यू नियंत्रणात असून आज एका कोविड बाधित रुग्णाच्या मृत्यूची नोंद झाल्याने मृतांचा एकूण आकडा 16,374 वर पोचला आहे.बरे झालेल्या रूग्णांचा दर 97 टक्के असून कोविड वाढीचा दर 0.09 टक्के झाला आहे.आज दिवसभरात 32,369 कोविड चाचण्या केल्या गेल्या असून आतापर्यंत 1,35,24,610 एवढ्या चाचण्या झाल्या आहेत.