...अन्यथा खाजगी वीज कंपन्यांना झटका देऊ; राज ठाकरे यांचे मुख्यमंत्र्यांना पत्र

मुंबई : लॉकडाउनच्या कालावधीत वीज कंपन्यांनी राज्यातील जनतेला पाठवलेल्या भरमसाठ वीज बिलांना विविध राजकीय पक्षांकडून विरोध होत असतानाच या प्रश्नामध्ये महाराष्ट्र नवनिर्माण सेनेने उडी घेतली आहे. जनतेला पाठविण्यात बील प्रकरणात मुख्यमंत्र्यांनी तात्काळ लक्ष घालून वीजबिलात तात्काळ सूट द्यावी आणि कंपन्यांना याबाबत आदेश द्यावेत अन्यथा खाजगी वीज कंपन्यांना आम्हाला झटका द्यावा लागेल, असा इशारा महाराष्ट्र नवनिर्माण सेनेचे अध्यक्ष राज ठाकरे यांनी मुख्यमंत्र्यांना पत्राद्वारे दिला आहे.

कोव्हिड रुग्णांचे नाव न जाहीर करण्यावर न्यायालय ठाम; बहिष्काराचा धोका असल्याचे दिले कारण...

खाजगी वीज कंपन्यांसह महावितरण, बेस्ट या सगळ्या कंपन्यांनी एकत्रितपणे राज्यातील वीजग्राहकांना वीजबिलांचा जबरदस्त शॉक दिला आहे. जून महिन्याचे बिल पाहून सामान्य माणसाचे डोळे पांढरे झाले आहेत. तफावतीच्या नावाखाली बिलांच्या ज्या रकमा आकारल्या गेल्या आहेत त्यावरून त्याला तफावत न म्हणता लूटच म्हणावी लागेल, असे पत्रात म्हंटले आहे. टाळेबंदीमुळे व्यावसायिक आस्थापने गेली 3 महिने बंद होती तरीही त्यांना सरासरी वीज बिलांच्या नावाखाली अव्वाच्यासवा बिले आकारली गेली आहेत.
कोरोनाची परिस्थिती अभूतपूर्व होती आणि त्यामुळे राज्यातील जनता, राजकीय पक्ष एकदिलाने सरकारच्या पाठीशी ठाम उभे राहिले आणि भविष्यात देखील राहतील पण ह्या अशा विषयांत जनता आणि राज्यातील नवनिर्माण सेना गप्प बसेल अशी चुकीची समजूत सरकारने करून घेऊ नये, असा इशारा ठाकरे यांनी दिला आहे.

------------------------------------------

संपादन - तुषार सोनवणे

-------------------------------------------------

संपादन - तुषार सोनवणे