Gutkha Seized
sakal
कासा - महाराष्ट्रात प्रतिबंधित असलेल्या गुटखा, पानमसाला व तंबाखूजन्य पदार्थांची अवैध वाहतूक करणाऱ्या आयशर वाहनावर अन्न व औषध प्रशासन, पालघर आणि दक्षता पथक, ठाणे विभागाने संयुक्त कारवाई केली. गोपनीय माहितीच्या आधारे पथकाने पाठलाग करून चारोटी टोलनाक्यावर वाहन पकडले. या कारवाईत सुमारे ५० लाख ५ हजार ६५० रुपयांचा प्रतिबंधित माल जप्त करण्यात आला. मालाची वाहतूक करणाऱ्या वाहनाची किंमत सुमारे २० लाख रुपये असून, माल व वाहनाची एकूण किंमत ७० लाख ५ हजार ६५० रुपये असल्याचे प्रशासनाने सांगितले.
