तबलावादक पं. गायतोंडे यांचे निधन

ठाणे - प्रख्यात तबलावादक पं. सुरेश ऊर्फ भाई गायतोंडे (वय ८७) यांचे गुरुवारी (ता. २७) रात्री ठाणे येथे राहत्या घरी हृदयविकाराच्या झटक्‍याने निधन झाले. त्यांच्या पश्‍चात पत्नी, मुलगा डॉ. दिलीप गायतोंडे, मुलगी असा परिवार आहे.

ज्येष्ठ तबलावादक पं. अहमदजान थिरकवा यांचे शेवटचे शिष्य अशी पं. गायतोंडे यांची ओळख होती. रसायनशास्त्र अभियांत्रिकीचे शिक्षण घेतलले असूनही गायतोंडे यांचा ओढा तबलावादनाकडे होता. नोकरी, तबलावादनाचा सराव यांच्यासह क्रिकेटची आवड असलेल्या गायतोंडे यांनी रणजी क्रिकेटमध्येही आपली छाप पाडली होती. तबलावादन ही कला नव्या पिढीपर्यंत पोचविण्यासाठी त्यांनी देशातील अनेक विद्यापीठांमध्ये ज्ञानदानाचे कार्य केले.