प्रकाश आंबेडकरांचा समाजवादी पार्टीला पाठिंबा, UP निवडणुकांसाठी घोषणा

उत्तर प्रदेशच्या विधानसभा निवडणुकांसाठी वंचित बहुजन आघाडीची बैठक पार पडली. यानंतर भारिपाचे प्रकाश आंबेडकर यांनी पत्रकार परिषद घेतली. उत्तर प्रदेश निवडणुकांसाठी त्यांनी अखिलेश यादव यांच्या नेतृत्वाच्या पाठिशी उभं राहण्याचा निर्णय घेतला आहे. (Prakash Ambedkar backs Akhilesh Yadav in UP Election 2022)

आंबेडकरवादी, मानवतावादी आणि सेक्यूलरवादी समाजाने समाजवादी पार्टीला पाठिंबा द्यावा, असं त्यांनी म्हटलंय. (Prakash Ambedkar News)

येत्या १० फेब्रुवारीला उत्तर प्रदेशात पहिल्या टप्प्याचं मतदान पार पडणार आहे. त्याआधीच वंचित बहुजन आघाडीने समाजवादी पार्टीला पाठिंबा जाहीर केला आहे. बसपा आणि चंद्रशेखर यांच्या पक्षाला उत्तर प्रदेशात यश मिळणार नाही, त्यामुळे सपाला पाठिंबा देत असल्याचं त्यांनी सांगितलं.