बदलापूर: शहरातील सर्व खासगी रुग्णालये आता चौकशीच्या फेऱ्यात येणार आहेत. नियम आणि मार्गदर्शक तत्त्वे पाळत या रुग्णालयातील कामकाज सुरू आहे का? यासंदर्भात आता ठाणे सिव्हिल सर्जनच्या पथकाकडून शहरातील सगळ्या खासगी रुग्णालयांची तपासणी होणार आहे. इथल्या एका खासगी रुग्णालयात प्रवीण समजिस्कर या तरुणाचा मृत्यू झाल्यानंतर खासगी रुग्णालयातील रुग्णसेवेवर प्रश्नचिन्ह निर्माण झाले आहे.