'आधी सरकारशी हात जोडून बोलू, नाहीतर मग हात सोडून बोलू'; राज ठाकरेंचा इशारा

मुंबई - विद्यार्थी पालक समन्वय समितीने आज मनसे अध्यक्ष राज ठाकरेंची भेट घेतली आहे. मुंबईतील कृष्णकुंज या निवासस्थानी त्यांनी भेट घेतली. गेल्या अनेक महिण्यांपासून अकरावीच्या प्रवेशाचा तीढा सूटलेला नाही. 

मराठा समाजातील विद्यार्थ्यांना दिलासा; वैद्यकीय शिक्षणाच्या अतिरिक्त फीचा भार सरकार उचलणार 

मराठा आरक्षणाला स्थगिती मिळाल्यापासून अकरावीचे प्रवेश रखडले आहेत. तसेच राज्यातील महाविद्यालयांमध्ये तसेच शाळांमधील वाढीव फीचा प्रश्न ऐरणीवर आला आहे. विद्यार्थी पालक समन्वय समितीने या प्रवेश प्रक्रिया लवकर सुरू व्हाव्यात तसेच अवास्तव फीवाढीला लगाम लागावा यासाठी राज ठाकरे यांची भेट घेतली.  राज यांनी समितीच्या शिष्टमंडळासमोरच मंत्री वर्षा गायकडवाड यांना कॉल केला. याबाबत लवकरच शिक्षण अधिकाऱ्यांशी चर्चा करून तोडगा काढणार आहे. हवं तर आपण पुन्हा त्याविषयी गायकवाड यांच्याशी चर्चा करू असं राज यांनी शिष्टमंडळला सांगितले.

'500 यूपीएस'च्या नावाने पाच कोटींची उधळपट्टी? "नायर'मधील प्रस्तावाभोवती संशयाची सुई

शाळांमधील अवास्तव फी वाढीवर सरकारचे नियंत्रण नाही. शाळांकडून मनमानी कारभार सुरू असल्याचे शिष्टमंडळाने राज यांना सांगितले, आपण सरकारशी हात जोडून बोलू नाहीतर मग हात सोडून बोलू असा इशाराही त्यांनी यावेळी दिला